چاپېريال ساتنه

کابل کې د ترکیې سفیر د چاپیریال ساتنې ملي ادارې له رئیس سره په لیدنه کې ویلي، هېواد یې له افغانستان سره د چاپېریالي مسایلو په برخه کې همکارۍ ته چمتو دی.

د ملګرو ملتونو د بشري مرستو د همغږۍ دفتر (اوچا) وایي، ملګرو ملتونو افغانستان کې له زیانمنېدونکو ټولنو سره د مرستو لپاره ۱۶.۶ میلیونه ډالر ځانګړي کړي دي.

د چاپېریال ساتنې ملي ادارې سرپرست وايي، په نړۍوالو غونډو، په ځانګړي ډول «کاپ ۳۰» کنفرانس کې باید افغان پلاوي ته د ګډون زمینه برابره شي، څو افغانستان وکولای شي د خپل حق غوښتنه وکړي.

د ملګرو ملتونو د خوړو او کرنې سازمان رییس د چاپېریال ساتنې ملي ادارې له رییس سره په لیدنه کې په افغانستان کې له اقلیمي بدلون سره د مبارزې په برخه کې پر ګډ کار او همکاریو ټینګار کړی دی.  

په افغانستان کې د اروپايي ټولنې استازولۍ د ځمکې نړۍوالې ورځې په مناسبت ويلي چې اقلیمي بدلونونه د دغه هېواد کرنه، د خوړو امنیت او ځايي اقتصاد ګواښي.

د ننګرهار د مرکز جلال‌اباد ښار اړوند «کابل کمپ» سيمه کې د شاوخوا ۳۰۰ کورنۍ ماشومان او لویان د یوه جومات له څاه څخه اوبه وړي، خو له دې څاه یوازې په شین اسمان د لمریزې برېښنا په واسطه اوبه را ایستل کېږي.

ځینې سرچینې وايي، نیمروز د وچ او بیاباني اقلیم په درلودو سره تل د اوبو له کمښت سره مخ دی، خو د وروستیو دوو کلونو وچکالیو د دغه ولایت د مرکز او ځینو ولسوالیو کروندګر او مالداران سخت زیانمن کړي او ان د هغوی د بې‌ځایه کېدو لامل شوي دي.

د پسرلي په را رسېدو او د نیالګیو اېښودلو کمپاین په پیلېدو سره کارپوهان او دیني عالمان د اقلیمي بدلونونو منفي اغیزو کمولو لپاره د چاپیریال پر ساتنه ټینګار کوي. بلخوا د کابل ښاروالي هم وايي، که څوک عامه ځایونو او ونو ته زیان ورسوي، له قانوني چلند سره به مخ شي.

د چاپېریال ساتنې ملي ادارې سرپرست د یو شمېر موسسو له استازو سره د طبیعي شتمنیو او د اوبو سرچینو د خوندیتوب او اقلیمي بدلونونو پر وړاندې د مبارزې برخو کې د ګډو همکاریو په اړه خبرې کړي دي.

د چاپېریال ساتنې ملي اداره وايي چې د نړۍوال چاپېریالي اسانتیاوو صندوق (GEF) له لوري افغانستان کې د اقلیمي بدلون پر وړاندې د مبارزې لپاره نږدې ۱۰ میلیونه ډالره بودجه تصویب شوې ده.

د نورستان ځایي مسوولین وایي چې د دغه ولایت په ځینو سیمو کې ۱۱ زره هکتاره څرځایونه او ۲۵۰۰ هکټاره ځنګلونه بیارغول شوي دي.

د لوګر د کرنې، اوبولګولو او مالدارۍ ریاست مسوولین وایي چې د دغه ولایت د مرکز پل‌علم او ولسوالیو بزګرانو د قوش‌تېپې کانال د زرغونتیا لپاره د ۱۷۰ زره نیالګيو مرسته کړې ده.