چاپېريال ساتنه

د لوګر مرکز پل‌علم ښار اړوند په شهیدانو تپه کې د دغه ولایت د ولایتي چارواکو او خلکو له لوري د نیالګيو کېنولو عمومي حشر وشو.

د افغانستان برېښنا شرکت وایي چې کابل سیند کې اچول شوو کثافاتو د ماهیپر، سروبي او نغلو برېښنا پر تولیدي فابریکو منفي اغېزه کړې ده.

د هرات ځیني اوسېدونکي د دغه ښار په ډېرو ځایونو کې د کثافت‌دانیو نشتوالي په اړه د اندېښنې په څرګندولو سره وايي، دغه چاره د هرات په ډېری سیمو کې د ښار د بې‌نظمۍ لامل شوې ده.

د اروزګان امنیتي مسوولین وايي چې د دغه ولایت په خاص اروزګان ولسوالۍ کې یې د مرغانو د ښکار په تور شپږ کسان نیولي دي.

د کابل ښاروالي وايي چې د ورځې ۶۶ زره نیالګي کېښودل کېږي او دغه ښار کې د خلکو له لوري د نیالګیو د تخریب په صورت کې له هغوی تاوان اخیستل کېږي.

د پکتیا د مرکز ګردېز ښار اوسېدونکي وايي چې په استوګنیزو سیمو کې د تولیدي فابریکو فعالیت د هوا ککړتیا ترڅنګ غږیزه ککړتیا هم رامنځته کړې ده.

د بدخشان ولایت په مرکز فیض‌اباد ښار کې نیالګي پلورونکي د نوي کال د پسرلي په رارسېدو سره د خپل پلور کچې له ټيټېدو شکایت لري او له خلکو غواړي چې د سمسورتیا او د میوې حاصلاتو برخه کې د ځان بسیاینې لپاره نیالګي وپېري او کینوي.

د بامیان ځايي مسوولین وايي چې د چاپېریال ساتنې برخه کې د خلکو همکارۍ په موخه یې د دغه ولایت زرګونه اوسېدونکو ته عامه پوهاوی ورکړی دی.

د افغانستان د چاپېریال ساتنې ملي ادارې له یوې موسسې سره د څه باندې ۱۵۰ زره امریکایي ډالرو په ارزښت د همکارۍ هوکړه‌لیک لاسلیک کړ.

د کابل ښاروالي وایي چې تېرو دوو کلونو کې کابل کې لږ تر لږه ۸۰۰ زره نیالګي اېښودل شوي او نوي کال کې به دغه ښار کې دوه میلیونه نیالګي کېښودل شي.

د سمنګان چاپېریال‌ساتنې ریاست مسوولین وایي چې روان کال په دغه ولایت کې ۲۴۸ نادر مرغان، څلور لېوان او ۲۰ ښکار شوي کبان بېرته طبیعت ته خوشي او په دې تړاو ۳۱ کسان هم نیول شوي دي.

د چاپېریال ساتنې ملي ادارې د وحشي ژوو د نړۍوالې ورځې په تړاو ویلي چې د ښکار مخنیوي په اړه یې د اسلامي امارت د مشرتابه حکم پلی کړی او د ۳۸۳ مرغانو او ۱۴ وحشي ژوو د قاچاق مخه یې نیولې ده.