دولت او سياست

د سرحدونو، قومونو او قبایلو چارو وزیر په کابل کې د ایران له سفیر سره په لیدنه کې ویلي چې په ايران کې دې له مېشتو افغان کډوالو سره د اسلامي او نړۍوالو اصولو په چوکاټ کې چلند وشي.

د ریاست‌الوزراء اقتصادي معاونیت وایي، د عزیزي انرژي ګروپ مشر له ملا عبدالغني برادر اخند سره په کتنه کې د دغه ګروپ له خوا د لس زره ميګاواټه برېښنا د تولید پروژې د لومړي فاز چارو د ژر پيلېدو ډاډ ورکړی دی.

د اسلامي امارت ویاند وایي چې د افغانستان پراختیایي تګلاره تدوین او د اسلامي امارت د مشرتابه له لوري منظوره شوې ده؛ دغه تګلاره د راتلونکو پنځو کلونو لپاره د هېواد د بنسټیزو موخو ترلاسه کولو لپاره ترتیب شوې او ټولې امارتي سرچینې به په یو واحد مسیر رهبري کوي.

د مالیې وزارت وایي چې د متقاعدینو د حقوقو ورکړې لړۍ یې پیل کړې او په لومړي پړاو کې به د نهو تثبیت شوو ادارو د متقاعدینو حقوق ورکړل شي.

د اقتصادي کمېسیون نوبتي غونډه کې د منرالونو د ملي پالیسۍ مسوده تایید شوه او له شبرغانه تر الوان دښتې پورې د برېښنا د ۵۰۰ کیلوولټ انتقالي مزي غځولو پروژې د پاتې چارو بشپړولو تړون په حجم کې تعدیل راوستل شو.

پاراخ (پژواک، ۳۱ زمری ۱۴۰۴): د پنجشېر والي د دغه ولایت په پریان ولسوالۍ کې په یوه لویه ولسي غونډه کې یووالی او پیوستون د

له کویټه کابل ته راغلي یوه پلاوي د کډوالو او راستنېدونکو چارو له وزیر سره په لیدنه کې ویلي، د اسلامي هېوادونو ترمنځ نږدې او مثبتې اړیکې د وخت اړتیا ده چې باید پياوړتیا ته یې کار وشي او افغانان د پرمختګ او اقتصادي ودې لپاره ګڼ فرصتونه لري.

کابل (پژواک، ۲۹ زمری ۱۴۰۴): په کابل کې د افغانستان، چين او پاکستان د بهرنيو چارو وزيرانو د ډيالوګ شپږمه ناسته ترسره شوه او په دې

د افغانستان د بهرنیو چارو وزیر له خپل پاکستاني سیال سره په لیدنه کې له دغه هېواد سره د سوداګرۍ، ترانزیټ او ګډو پروژو د پراختیا په اړه خبرې کړې او ترې غوښتي یې دي چې په دې برخو د ستونزو هواري لپاره عملي ګامونه واخلي.

د چین د بهرنیو چارو وزیر نن په کابل کې د افغانستان د بهرنیو چارو له وزیر سره په لیدنه کې ویلي، هېواد يې لېوال دی چې افغانستان د «یو کمربند یوه لار» ستره پروژه کې رسماً شامل شي.

د بهرنیو چارو وزارت وایي چې نن په کابل کې د افغانستان، پاکستان او چین درې‌ اړخیزه غونډه جوړیږي چې په ترڅ کې به یې د درې واړو هېوادونو ترمنځ د سیاسي، اقتصادي او سیمه‌ییزو همکاریو په ګډون پر یو لړ مهمو موضوعاتو هر اړخیز بحثونه وشي.

د اسلامي امارت لوړپوړو چارواکو د افغانستان د خپلواکۍ د بېرته اخیستو د ۱۰۶مې کالیزې په نمانځغونډه کې وویل، ا.ا هېڅ ګاونډي او د سیمې هېواد ته بده اراده نه لري، بلکې له ټولو سره د ښو سوداګریزو، سیاسي او ډیپلوماتیکو اړیکو غوښتونکی دی.