دولت او سياست

په مالیزیا کې افغان سفیر د افغانستان لپاره د یاد هېواد له ځانګړي استازي سره په ليدنه کې د اړیکو د پراختیا، د ډيپلوماټیک تعامل د کچې لوړولو او په کابل کې د سیاسي حضور پیلېدو په اړه خبرې کړې دي.

د قرغیزستان د بهرنیو چارو وزارت په رسمي توګه اعلان وکړ چې د «طالبانو» نوم یې د ممنوعه ډلو له فهرسته حذف کړی دی.

د اسلامي امارت مشرتابه د ۲۱۷ عمري قول‌اردو له مسوولینو سره لیدنه کې هغوی ته په خطاب کې ویلي چې له اختلافاتو ډډه وکړي او پر يووالي او ورورولۍ منګولې ولګوي.

بهرنیو چارو وزارت وایي، د دغه وزارت سرپرست او د ترکمنستان د بهرنیو چارو وزیر د افغانستان په خاوره کې د ټاپي نل‌لیکې غځولو، اوسپنې پټلۍ رغونې، برېښنا او نوري فایبر پروژو د چارو د پیل پر وروستیو تیاریو خبرې کړي.

د افغانستان بهرنیو چارو وزارت د یوې خبرپاڼې په خپرولو د قرغیزستان د ممنوعه ډلو له نوملړه د اسلامي امارت د نوم له ایستل کېدو خبر ورکړی او د هغه هېواد له دغه اقدامه یې هرکلی کړی دی.

د ازبکستان د استخباراتو رییس د شانګهای د همکاریو سازمان په غونډه کې ویلي، ا.ا د خپلو وړتیاوو په چوکاټ کې له نړۍ‌والې ترهګرۍ سره مبارزه کوي او باید په دغه مبارزه کې یوازې پرې نه ښودل شي.

د یوناما مشرې د ریاست‌الوزرء له سیاسي مرستیال سره په لیدنه کې ویلي، هڅه کوي په افغانستان کې د نشه‌يي توکو د بدیل کښت او روږدو کسانو درملنې په اړه د ا.ا د استازو په ګډون له ګڼ شمېر هېوادونو او بنسټونو سره ګډه غونډه جوړه کړي.

د ملګرو ملتونو عمومي منشي انټونیو ګوټریش، جورجټ ګانیون په افغانستان کې د ملګرو ملتونو د مرستندوی دفتر (یوناما) د سیاسي مرستیالې په توګه ټاکلې ده.

د ریاست‌الوزراء سیاسي مرستیال له نړۍوالو مرستندویه ادارو او د روغتیا نړۍوال سازمانه وغوښتل چې افغانستان کې له روغتیايي سیسټم سره خپلې مرستې ډېرې او ټولو افغانانو ته د باکیفیته خدماتو په وړاندې کولو کې ونډه واخلي.

د ا.ا مشر د سمنګان ولايت له مسوولينو سره په لیدنه کې د افغانستان څو وروستۍ لسیزې ناخوالې د اختلافاتو ‎او ملوک‌الطوایفي رامنځته کېدو له امله بللې او له مسوولينو يې غوښتي چې له نظام سره د خلکو نږدې کولو لپاره هڅې وکړي.

د چین د سفیر مرستیال د افغانستان بهرنیو چارو وزارت له سیاسي مرستیال سره لیدنه کې ویلي، هېواد یې غواړي چیني سوداګر افغانستان کې پانګونې ته تشویق کړي او په نړۍوال سټېج د اسلامي امارت ملاتړ ته دوام ورکوي.

د افغانستان لپاره د ملګرو ملتونو د بشري حقونو شورا ځانګړی راپور ورکوونکی ترکیې او بیا قطر ته تللی؛ هغه ویلي، د بشري حقونو شورا له ۵۷مې غونډې مخکې به د افغانانو له بېلابېلو ډلو، کارپوهانو او حکومتي استازو سره وګوري.