دولت او سياست

د ترکمنستان او چین چارواکو په یوه دوه اړخیزه ناسته کې ټینګار کړی چې دواړه هېوادونه به د افغانستان د اقتصادي وضعیت د ښه والي لپاره خپلو هر اړخیزو همکاریو ته دوام ورکړي.

د اسلامي امارت چارواکو په غزني ولایت کې یوې غونډې ته ویلي چې د اسلامي امارت سیاست خپلواک او ناپېیلی دی او د هرې موضوع پر وړاندې مسوولانه چلند کوي.

د ریاست‌الوزراء اقتصادي مرستیال وايي، اسلامي امارت د خپل مسوولیت له مخې له هرې ممکنې لارې د اوبو د غوره مدیریت لپاره هلې ځلې کوي.

د ملي دفاع وزارت وايي، د دغه وزارت سرپرست په کابل کې د ایران له سفیر سره په لیدنه کې د دوستانه اړیکو د پیاوړتیا، ښه ګاونډیتوب، سوداګرۍ، سرحدي همکاریو او د افغان کډوالو د مسایلو په اړه خبرې اترې کړې دي.

د رياست‌الوزراء سياسي مرستيال وايي، د بیارغونې پروژې له هر ډول تعصب پرته د هېواد په ګوټ ګوټ کې پلې کېږي او حکومت هڅه کوي چې افغانانو ته د کار زمینه برابره کړي.

د بهرنیو چارو وزارت سرپرست د افغانستان لپاره د ازبکستان نوي ګومارل شوي سفیر سره په لیدنه کې ټینګار کړی چې د دواړو هېوادونو ترمنځ د سترو اقتصادي پروژو برخه کې دې عملي ګامونه پورته شي.

افغانستان لپاره د ایران ځانګړي استازي د ریاست الوزراء سیاسي مرستیال سره په لېدنه کې ویلي، هېواد یې په افغانستان کې د نېمګړو روغتیايي پروژو بشپړېدو ته چمتو دی او دغه راز به په پوهنتونونو کې رغنیزې او علمي پروژې پیل کړي.

د اداري اصلاحاتو او ملکي خدمتونو اداره وایي چې د اسلامي امارت له بیا واکنمېدو راهیسې په لږ تر لږه لسو وزارتونو او ادارو کې ۷۰۸ اداري پروسې ساده شوې دي.

د ریاست‌الوزراء اقتصادي مرستیال د هند او بنګله‌دېش هېوادونو له یو شمېر علماوو سره په ليدنه کې ویلي، د افغانستان د ملي شتمنۍ کنګل کېدل او بندیزونه هغه ستونزې دي چې د هېواد اقتصادي وده یې ټکنۍ کړې ده.

په افغانستان کې د ملګرو ملتونو مرستندویه ماموریت (یوناما) ویلي چې افغانستان ۷۸ کاله مخکې په همدې ورځ (د ۱۹۴۶ کال د نومبر په ۱۹مه) د ملګرو ملتونو غړی شو.

د جرمني په پلازمېنه برلین کې د افغانستان سفیر او د دغه هېواد په بن ښار کې د افغانستان کونسل له خپلو دندو استعفا کړې ده.

د افغانستان لپاره د چین استازي وایي، هېواد یې د افغانستان په کورنیو چارو کې لاسوهنه نه‌ کوي او د دغه هېواد له سولې او بیارغونې خپل ملاتړ ته دوام ورکوي.