دولت او سياست

د روسیې د ملي امنیت شورا عمومي منشي ویلي هېواد یې هڅه کوي چې افغانستان په شانګهای سازمان کې د ناظر غړي په توګه خپله څوکۍ بېرته ترلاسه کړي او دغه‌راز ډېر ژر به د افغانستان او روسیې ګډ سوداګریز فورم هم پرانیستل شي.

د کورنیو چارو وزارت مرستیال د افغانستان لپاره د چین له ځانګړي استازي سره په ليدنه کې ویلي چې افغانستان د سیمې امنیت او سولې ته ژمن دی.

د روسیې د ملي امنیت شورا عمومي منشي د ریاست‌الوزراء له اقتصادي مرستیال سره په لیدنه کې ویلي، د دواړو هېوادونو ترمنځ د سیاسي او اقتصادي اړیکو د پراختیا په موخه به په نږدې وخت د اسلامي امارت نوم د روسیې له تور نوملړه لرې کړي.

په اسلام‌اباد کې د افغانستان سفارت اعلان کړی چې پاکستان کې د روان وضعیت له امله، نن (دوشنبه) رخصت دی.

د افغانستان لپاره د چین ځانګړي استازي د اسلامي امارت بهرنیو چارو وزارت له سرپرست سره په لیدنه کې ویلي چې چین د افغانانو ارزښتونو او انتخابونو ته درناوی لري.

افغانستان لپاره د روسیې ځانګړي استازي د بهرنیو چارو له سرپرست وزیر سره په لېدنه کې ویلي، په نږدې راتلونکي کې به د روسیې لوړپوړی پلاوی کابل ته راشي او د ا.ا لوړ پوړیو چارواکو سره به په ګڼو برخو کې د همکاریو د پراختیا پر امکاناتو خبرې وکړي.

د روسیې د بهرنیو چارو وزارت مرستیال وايي، مسکو د «ترهګرو ډلو له نوملړه» د «طالبانو» د نوم ایستلو برخه کې ګام په ګام مخ ته ځي او دغه بهیر به ونه دروي.

د ملي وزارت سرپرست افغانستان لپاره د چین له ځانګړي استازي سره په لېدنه کې د د دوه اړخیزو اړیکو پر پیاوړتیا ټېنګار کړی دی.

د افغانستان لپاره د چین ځانګړي استازي د ریاست‌الوزراء له سیاسي مرستیال سره په ليدنه کې ویلي، هېواد یې له افغانستان سره د اړیکو پراخولو او اقتصادي برخو کې د همکارۍ ډېرولو هڅې کوي.

د اسلامي امارت د مشرتابه په یوه تازه حکم کې راغلي، ټولې ادارې دې له دې وروسته «د بشري سرچينو» ریاست، مدیریتونو او امریتونو ته «د کارکوونکو چارو» نوم وکاروي.

د ملګرو ملتونو مرستندوی دفتر (یوناما) د بغلان په نهرین ولسوالۍ کې پر «عبادت‌کوونکو» برید غندلی او ویلي یې دي چې د دې پېښې بشپړه څېړنه دې وشي.

د افغانستان لپاره د ایران سفیر او ځانګړي استازي په افغانستان کې د ملګرو ملتونو د سیاسي استازولۍ له مرستیال سره په لیدنه کې ویلي چې تهران د افغانستان لپاره د نړۍوالې ټولنې له هر رغنده نوښته ملاتړ کوي.