د جوزجان سیمهییزې سرچینې د دغه ولایت په مریادن ولسوالۍ کې د یوه روغتیايي کلینیک له جوړېدو خبر ورکوي؛ بلخوا، د دې ولسوالۍ یو شمېر اوسېدونکي وايي چې مخکې یې د معیاري روغتیايي مرکز نشتون له امله خپل ناروغان د دغه ولایت مرکز ته لېږدول.
د پژواک د راپور له خپرېدو وروسته د کونړ وټهپور ولسوالۍ اړوند «څپرې» سیمه کې سلګونه کورنیو ته د لومړي ځل لپاره روغتیایي مرکز جوړ شو.
د هلمند د عامې روغتیا ریاست مسوولین وایي، تېره یوه اونۍ کې یې د دغه ولایت د ګرمسیر، ګرشک او موسیکلا ولسوالیو په روغتونو کې د توبرکلوز ناروغۍ د تشخیص «جن اېکسپرټ» درې پایې ماشینونه فعال کړي دي .
د عامې روغتيا سرپرست وزير وايي چې دا مهال په هېواد کې د ناروغانو لپاره ټولټال ۱۱ زره بستره دي، خو په ابتدایي ډول ۴۵ زره بسترونو ته اړتیا ده.
د عامې روغتیا وزارت سرپرست ډاکټر قلندر بلخ ولایت کې د حوزوي روغتونو له ټولو چارو څخه د لیدنې ترڅنګ په یاد روغتون کې د مور او ماشوم د پاملرنې څانګه پرانیستله.
افغاني سره میاشتې ټولنه وایي چې په تېرو ۱۸ میاشتو کې یې له ۲۸۰۰ ډېر د زړه سوري پر ناروغۍ اخته ماشومان د درملنې په موخه د کابل ښار روغتونونو ته ورپېژندلي دي.
په افغانستان کې د بېپولې ډاکټرانو مشر د بهرنیو چارو وزارت له مرستیال سره لیدنه کې ویلي چې روان کال یې په هېواد کې ۷۰۰ زره کسانو ته په بېلابېلو برخو کې روغتیایي خدمتونه وړاندې کړي دي.
بلخ کې د درملو تولید فابریکو مسوولین وایي، که له بهره د دوی تولیداتو ته ورته پر واردېدونکو طبي توکو او درملو بندیز ونه لګول شي؛ نو ښایي فابریکې یې له سقوط سره مخ شي.
د غور ولایتي روغتون مسوولین وايي چې په تېره نږدې یوه میاشت کې پر شري اخته ۱۲۸ ماشومان په دغه روغتون کې بستر شوي خو ځیني پایوازان په یاد روغتون کې د بسترونو له کموالي شکایت لري.
د افغانستان د خوړو او درملو ملي اداره وایي چې په کابل ښار کې د تُرشي جوړولو له کارخونو د څارنې پایله کې څرګنده شوه چې ځینو ترشيبابو کې له صنعتي سرکې استفاده کېږي او دغه سرکه د معدې سرطان رامنځته کېدو لامل ګرځي.
د روغتيا نړۍوال سازمان له لوري د ننګرهار له اوو روغتونونو سره د ۲۷۵ زره امريکايي ډالرو په ارزښت د طبي وسايلو مرسته وشوه.
د عامې روغتیا وزارت وایي، د لومړي ځل لپاره په افغانستان کې د پولیو د تشخیص لابراتوار جوړ او په نیږدې راتلونکې کې به یې پرانیسته ترسره شي
د عامې روغتیا وزارت وايي، سبا د هېواد په بېلابېلو ولایتونو کې د ګوزڼ واکسین نوی کمپاین پيلوي او له خلکو يې غوښتي چې خپل له پنځو کلونو کمعمره ماشومان واکسین کړي.
کامرون کې یوې نجلۍ ته د ملاریا لومړني واکسین له تزریق کېدو وروسته د هېواد عامې روغتیا وزارت وايي چې د دغه واکسین موثرتوب په صورت کې به هڅه وکړي څو دغه واکسین له مرستهکوونکو ترلاسه کړي.
په سرطان اخته یو شمېر کسان له حکومته غواړي چې دوی ته دې په هېواد کې دننه د درملنې زمینه برابره کړي څو د لوړو لګښتونو په ورکولو بهر ته د تلو لپاره مجبور نه شي.
د جاپان د سولې او روغتيا موسسې (PMS) د ننګرهار له چارواکو سره د یو شمېر تازه هوکړهليکونو په لاسليکولو په دغه ولايت کې د اوبو مديريت او روغتيا برخو کې د نوو پروژو پيلولو خبر ورکړ.
بادغیس کې یو شمېر ناروغلرونکي په ولایتي روغتون کې د بسترونو له کموالي شکایت کوي او وايي، داسې بسترونه هم شته چې ان تر څلورو ناروغان په کې بستري دي.
د عامې روغتیا وزارت ویلي چې د دغه وزارت سرپرست د چین له سفیر سره په لیدنه کې د جمهوریت روغتون د بیارغونې، د افغان ډاکټرانو د ظرفیت لوړونې او د روغتیا برخه کې د پانګونې په اړه خبرې کړې دي.
د هلمند د عامې روغتیا ریاست وایي چې په مرکز لښکرګاه ښار کې یې د درېیو روغتونونو درې برخې د قانوني اسنادو نه درلودلو له امله وتړلې.
په غزني ولایت پر نشه یي توکو ۲۵۰ تنه روږدي کسان له درملنې وروسته خپلو کورنیو ته وسپارل شول.
د غور روغتیايي مسوولین تېرو نهو میاشتو کې دغه ولایت کې پر خوارځواکۍ د اخته ۷۰۰ ماشومانو له ثبتېدو خبر ورکوي او وايي چې په همدې موده کې د دې ناروغۍ له امله ۲۲ ماشومان مړه شوي دي.
د عامې روغتیا وزارت وړاندې شوو شمېرو له مخې، د سږ کال په لومړیو شپږو میاشتو کې د تېر کال د ورته مودې په نسبت د لېوني سپيانو داړلو پېښې څه باندې ۱۴ سلنه ډېرې شوې، خو دغه وزارت د دې ناروغۍ اړتیا وړ ۷۰ سلنه واکسین په واک کې نه لري.
هرات کې ځايي مسوولین وايي، د دغه ولایت له زیږنتون او حوزوي روغتونونو سره روغتیا نړۍوال سازمان (WHO) لوېدیځ زون دفتر له لوري د ۷۰ زره امریکايي ډالرو په ارزښت د طبي تجهیزاتو مرسته وشوه.
د عامې روغتیا سرپرست وزیر، د پولیو ناروغۍ د اروزنې او همغږۍ کلنۍ غونډه کې ویلي چې دغه وزارت ژمن دی د هېواد ګوډ ګوډ ته د معیاري روغتیايي خدمتونو د رسولو تر څنګ ماشومانو ته د پولیو واکسین رسولو کې مرسته وکړي.
