نوښت او ټکنالوجي

سېمه‌ییز چارواکي وایي، په فراه کې د مخابراتي شبکو د ۱۱ نویو سایټونو د فعالولو چارې پیل شوې چې ورسره به په دغه ولایت کې ۸۰ سلنه مخابراتي ستونزې حل شي.

د نیمروز د مخابراتو او معلوماتي ټکنالوجۍ رییس په دغه ولایت کې د مخابراتي خدماتو د کیفیت ښه کېدو خبره کوي او وایي، د نوري فایبر د لېږد پروژه اویا سلنه بشپړه شوې او دغه راز د دغه ولایت په مرکز او ولسوالیو کې ۲۵ نوي مخابراتي سایټونه جوړ شوي دي.

د مخابراتو او معلوماتي ټکنالوجۍ وزارت وايي، د غږیزو اړیکو او انټرنېټي کڅوړو لپاره یې نوې بیې ټاکلې چې د راروان زېږدیز کال له پيله به عملي شي.

ځایي سرچینې جوزجان ولایت ته د نوري فایبر غځولو پروژې چارو له پیلېدو خبر ورکوي او وايي، په دې پروژه کې چې د درېیو کلونو موده کې به بشپړه شي، د څلور سوه کسانو لپاره د کار زمینه هم برابره شوې ده.

د کابل ښار په پل محمودخان سیمه کې د دوولس میلیون افغانیو په لګښت د افغان پُست نوې څانګې او د  پیرېدونکو اړیکو نیولو مرکز پرانیستل شو.

د مخابراتو او معلوماتي ټکنالوجۍ وزارت مسوولین وایي چې د لوګر په ګډون د هېواد په ۱۶ ولایتونو کې یې د کمپيوټر زده‌کړې وړیا ښوونیز مرکزونه پرانيستي دي.

سرپل کې ځايي مسوولین وايي، د نوري فایبر له ملي شبکې سره د دغه ولایت نښلولو پروژې چارې د څلوېښت ميلیون افغانیو په لګښت پیل شوې.

د افغانستان د مخابراتو او معلوماتي ټکنالوجۍ وزارت وایي، په تېرو درېیو میاشتو کې ۱،۶ میلیونه سیمکارټونه ثبت شوي او دغه لړۍ لا روانه ده.

د مخابراتو او معلوماتي ټکنالوجۍ وزارت وایي چې د دغه وزارت اړوند د مخابراتي خدمتونو د تنظیم ادارې «اترا» د څه باندې ۱۳ میلیونه ډالرو په لګښت له کورنيو شرکتونو سره د ۱۴۹ مخابراتي سایټونو د جوړېدو تړون لاسلیک کړ.

د غور ځایي مسوولینو د دغه ولایت د مرکز فیروزکوه ښار مربوطاتو کې د یوه مخابراتي سایټ له فعالېدو خبر ورکړی او وایي چې په دې سره به ۲۴ زره کورنۍ له باکیفیته مخابراتي خدماتو برخمنې شي.

د افغانستان د مخابراتو او معلوماتي تکنالوجۍ وزارت وایي، یو داسې سیسټم یې جوړ کړی چې هیڅوک نه شي کولای په جعلي پېژندپاڼو سیمکارت ترلاسه او ثبت کړي.

د مخابراتو او معلوماتي ټکنالوجۍ وزارت سرپرست ویلي چې د پکتیکا ولایت په ځینو سیمو کې ۲۵ مخابراتي سایټونه جوړیږي.