مرکې

د کابل مرستون رییس وايي، په هېواد کې د سیاسي نظام له پرځېدو وروسته د هغو کورنیو شمېر چې په دغه مرستون کې ساتل کېږي، له ۲۱ نه ۳۸ ته لوړ شوی او په نږدې راتلونکي کې به د ۵۰ نورو کورنیو د اوسېدو زمینه هم برابره شي.

. . .

حامد کرزي حکومت کې له نشه‌يي توکو سره د مبارزې وزير حبيب‌الله قادري وايي، د هغه وخت حکومت کې د فساد له امله د نشه‌يي توکو مخنیوی ونه شو او له دغو توکو سره د مبارزې لپاره هېواد ته راغلې ډېرې پیسې بېرته بهرنیو کمپنیو یووړې.

په بلخ ولایت کې په تېر یوه کال کې ۷۵ ترافیکي پېښې شوې چې له امله یې ۵۷ کسان مړه او ۱۰۶ نور ټپیان شوي دي.

د اسلامي امارت پخوانی چارواکی سید محمداکبر اغا وايي، افغانان حق لري چې مشوره ورسره وشي، د نجونو پر زده‌کړو محدودیت دې نور لرې شي او څوک چې ښه موصفات لري، هغوی باید په حکومت کې داخل او واک ورکړل شي.

لیکوال او سیاستوال محمدزمان مزمل وايي، کودتايي او پر فتحو راغلي حکومتونه که له ولسونو مشروعیت وانه‌ ‌خلي، طبیعي حالت ته نه رسېږي؛ نو ځکه باید د مذاکرې، تفاهم او مشارکت لاره پرانیستل شي.

د خوست د ګمرک رييس وايي چې په تېرو لس‌نيمو مياشتو کې يې ۹ ميليارد افغانۍ عوايد راټول کړي چې د تېرو کلونو په پرتله ډېروالی ښيي.

یوه مور او د هغې درې کلنه لور د کابل په ۱۵۰ بستریز او پلار په کابل کې د روږدو درملنې په ۱۰۰۰ بستریز روغتون کې له نشه‌یي توکو د خلاصو ن لپاره مبارزه کوي؛ دغه ځورېدلې ‎مور وايي، روږدي‌توب د دې لامل شوی چې درې اولادونه یې نادرکه شي.

په افغانستان کې د سوپرکار موټر جوړوونکی محمد‌رضا احمدي وايي، د موټر ټول کارونه بشپړ شوي او نور يې پر سر «سوداګریزې مذاکرې» ته چمتو دی خو زیاتوي چې د خلکو حیرانتیا لپاره یې د موټر بیه او نوم تر اوسه نه دي په ډاګه کړي او دا یې د سوداګریز پلان یوه برخه جوړوي.

د فاریاب ولایت پوهنې ریاست وايي، په دغه ولایت کې د ۵۵۰ فعالو ښوونځیو له ډلې ۱۸۵ یې ودانۍ نه لري او زده‌کوونکي یې په جوماتونو، تر خېمو او ونو لاندې په ازاده فضا کې په بد حالت زده‌‎کړې کوي.

د خوست د عدليې رييس وايي چې په دغه ولايت د قومونو ترمنځ د ځمکو، غرونو، دښتو او څرځايونو پر سر له ٢٠٠ ډېرې لانجې او شخړې موجودې دي چې حکومتي چارې يې هم له خنډ او ځند سره مخ کړې دي.

لومړنۍ سوداګره چې د داوطلبۍ له لارې کورنیو چارو وزارت ته د ډبرو سکرو برابرولو قرارداد ترلاسه کړی او ۵۷ کسانو ته یې د کار زمینه برابره کړې، له نورو سوداګرو ښځو غواړي چې په داسې داوطلبیو کې ګډون وکړي څو ګټوونکې شي.