دین او کلتور

د غزني والي د سیمه‌ییزو رسنیو له خبریالانو سره د همغږۍ غونډه کې له خبریالانو پر هر اړخیز ملاتړ او اطلاعاتو ته پر لاسرسی ټینګار کړی دی.

د لوګر د اطلاعاتو او فرهنګ ریاست له لوري په لومړي ځل د دغه ولایت د ازرې ولسوالۍ په «منګل دره» کې د شاعرانو او ليکوالو په ملاتړ د ولایت په کچه مشاعره جوړه شوه.

د ارشاد، حج او اوقافو وزارت وایي،  له سعودي عربستانه هېواد ته د افغان حاجیانو د بېرته راتګ بهیر بشپړ شو او سږ کال د حج په مراسمو کې  ۱۸ افغان حاجیانو خپل ژوند له لاسه ورکړی دی.

د اطلاعاتو او فرهنګ وزارت د خپرونو چارو معین د یوناما د عامه اړیکو څانګې له مشرې سره په لیدنه کې ویلي، د بهرنیو مؤسسو ټول پروګرامونه باید د اړوندو امارتي ادارو په همغږۍ باید ترسره شي.

د مسکو له لوري د اسلامي امارت په رسمیت پېژندلو وروسته ځینو روسي سیاحتي شرکتونو د دغه هېواد وګړو ته افغانستان ته د یوه اونیز سفر تبلیغات پیل کړي او تمه ده چې د سیلانیانو لومړۍ ډله د جولای میاشتې تر نیمايي افغانستان ته سفر وکړي.

د محرم لسمه (عاشورا) په کابل ښار کې د حکومتي مسوولینو، قومي مشرانو او ځوانانو په ګډون د یو لړ مراسمو په ترڅ کې ولمانځل شوه؛ ګډونوالو دغه ورځ د سرښندنې، عدالت غوښتنې او یووالي ورځ وبلله او د مسلمانانو ترمنځ یې پر ورورولۍ او اتحاد ټینګار وکړ.

کابل کې د یوې ناستې ګډونوالو د ځمکې لاندې له اوبو په درېغه استفاده، د ناسمو سون‌توکو سوځول، د تېرو جګړو پر مهال د بېلابېلو وسلو استعمال او د ځنګلونو وهل د افغانستان د چاپېریالي ستونزو مهم لاملونه وبلل او ټینګار یې وکړ چې د دې ستونزو د حل لپاره دې د ممبر له لارې خلکو ته پوهاوی ورکړل شي.

د لوګر د اطلاعاتو او فرهنګ ریاست له ‌خوا د دغه ولایت په مرکز پل‌علم کې د ناوړه دودونو مخنیوي په موخه مشاعره جوړه شوه.

د غزني د اطلاعاتو او فرهنګ ریاست وایي چې د دغه ولایت د موزیم اته قلمه تاریخي اثار د اسلامي هنرونو یوه نړۍوال نندارتون ته - چې په نږدې راتلونکي کې د قطر په کوربه‌توب جوړېږي – غوره شوي دي.

د امر باالمعروف، نهی عن‌المنکر او شکایتونو اورېدلو وزارت وايي، د ټولنیزو رسنیو له لارې خلکو ته ستونزې جوړول او د هغوی ځورول، قانوني جرم دی او له ترسره کوونکو سره به یې قانوني چلند وشي.

د جوزجان په مرکز شبرغان ښار کې یو شاعر او لیکوال سیدمحمد عابدي وايي، شعر د شهرت لپاره نه، بلکې د هېواد د خلکو د کړاوونو او هیلو د انعکاس لپاره لیکي؛ هغه چې اوس له فقره ځورېږي، له اسلامي امارته غواړي چې د ده او نورو قلموالو ملاتړ وکړي.

د ارشاد، حج او اوقافو وزارت وايي چې له افغانستانه سعودي عربستان ته د ۳۰ زره افغان حج‌کوونکو د لېږد بهیر بشپړ شو.