امنیت او جرمونه

د اروزګان امنیتي مسوولین وايي، ناپېژانده وسله‌والو نن سهار د دغه ولایت په خاص اروزګان ولسوالۍ کې یو کس په ډزو وژلی دی.

د کورنیو چارو وزارت مسوولین وایي، د دغه وزارت د نشه‌يي توکو پر وړاندې د مبارزې معینیت منسوبینو د کابل ښار په اولسمه حوزه کې د نشه‌یي توکو د تولید یوه فابریکه کشف کړې چې یوه اندازه نشه‌يي توکي هم ورڅخه ترلاسه شوي دي.

د افغانستان ستره محکمه وایي چې په پکتیکا ولایت کې دوو کسانو تعزیري سزا ورکړل شوه.

د ننګرهار ولايت امنيتي چارواکي وايي چې په تورخم ښارګوټي کې د کمیسارۍ مسوولینو د سلګونو لرغونو سیکو د قاچاق مخه نیولې ده.

د اسلامي امارت ویاند وایي، د پکتیکا ولایت برمل ولسوالۍ کې تېره شپه پاکستان پر څلورو ځایونو بریدونه کړی چې له امله یې ۴۶ کسانو خپل ژوند له لاسه ورکړی او شپږ نور ټپیان دي.

یو شمېر افغان سیاستوالو د پکتیکا پر برمل ولسوالۍ د پاکستان هوایي برید پر سختو ټکو غندلی او دغه برید یې د افغانستان د حاکمیت نقض او د ټولو ملي او نړۍوالو اصولو خلاف عمل ګڼلی دی.

د ننګرهار امنیه قومانداني وايي چې د دغه ولایت په مرکز جلال‌اباد ښار کې پروني وسله‌وال برید کې د هند قونسلګرۍ یو افغان کارکوونکی ټپي شوی دی.

ملي دفاع وزارت وایي، د پکتیکا برمل ولسوالۍ اړوند سیمه کې د پاکستاني ځواکونو له خوا برید شوی او اسلامي امارت به دا برید بې‌ځوابه پرېنږدي.

د کورنيو چارو سرپرست وزیر، د افغانستان لپاره د پاکستان له ځانګړي استازي سره په لیدنه کې ویلي، اوسنی وخت د دې غوښتنه کوي چې د امنیتي او سیاسي ستونزو د حل لپاره ګډې هڅې چټکې شي.

ستره محکمه وایي، په کابل او پکتیکا ولایتونو کې درېیو کسانو ته تعزیري سزا ورکړل شوې.

د بغلان امنیه قومانداني وايي، پلخمري ښار کې یې د امنیت ټینګښت په موخه پر واټونو سلګونه امنیتي کامرې لګولې دي.

د اسلامي امارت مشرتابه د انساني قاچاق د مخنیوي په موخه فرمان ورکړی او د کورنیو چارو وزارت ته یې دنده سپارلې چې قاچاق کوونکي ونیسي او د سزا ورکولو لپاره یې نظامي محکمو ته ور وپېژني.