قلعهنو (پژواک، ۱۹ لړم ۱۴۰۴): د بادغیس امنیه قومانداني وايي چې په دغه ولایت کې له تېرو جګړو پاتې د پرسونل ضد د یوه ماین چاودنې له امله دوو ماشومانو ژوند له لاسه ورکړی دی.
د یادې د امنیې قوماندانۍ ویاند صدیقالله صدیقي وویل، دا پېښه پرون مازدیګر (یکشنبه، ۱۹ لړم) د بالامرغاب ولسوالۍ په «پنیرک» سیمه کې شوې ده.
نوموړي زیاته کړه: «دغه دوه ماشومان د څارویو په څرولو بوخت وو چې یو د پرسونل ضد ماین پیدا کوي او وروسته یې اور ته اچوي چې له امله یې ماین چوي او په پایله کې دواړه ماشومان ژوند له لاسه ورکوي.»
د یادونې ده، د تېرې جګړې ناچاودېدلي ماینونه لا هم د هېواد په ډېرو جګړهځپلو سیمو، په ځانګړې توګه په بادغیس کې شتون لري.
