هلمند کې د څه باندې ۶۳ ټنه اوسپنې او مسو د قاچاق مخه نیول شوې
د هلمند ځایي مسوولین وايي، د دغه ولایت د ګرمسېر ولسوالۍ په بيبي تیري او جندوم سیمو کې یې په دوه بنز موټرو کې د بار شوې اوسپنې او مسو د قاچاق مخه نیولې ده.
امنیت او جرمونه
راپورونه
فاریاب کې یوه ځوان ځانوژنه کړې
فاریاب کې سیمهییزې سرچینې وايي چې د دغه ولایت په ګزرېوان ولسوالۍ کې یوه ۱۴کلن ځوان خپل ژوند پای ته رسولی دی.
هلمند د امنیتي ځواکونو له خوا یو شمېر وسلې او مهمات ترلاسه شوي
هلمند کې امنیتي مسوولین وايي، د دغه ولایت په ګرشک ولسوالۍ کې د یو لړ کشفي عملیاتو په ترڅ کې یو شمېر وسلې او مهمات ترلاسه شوي دي.
ننګرهار کې ۷۰ جریب کوکنار له منځه وړل شوي
د ننګرهار امنيه قومانداني وايي، د روانې اونۍ له شنبې تر اوسه د دغه ولایت په یو شمېر ولسواليو کې ۷۰ جريب کوکنار اړول شوي دي.
ترکیه کې ۳۹ افغان کډوال نیول شوي
د راپورونو له مخې، د ترکیې پولیسو په یوه موټر کې ۳۹ ناقانونه افغان کډوال نیولي دي.
غزني کې پر دوو کسانو د قصاص حکم پلی شو
حکومتي چارواکي وایي چې د غزني ولایت په مرکز کې پر دوو «قاتلینو» د قصاص حکم پلی شو.
کابل کې نهه کسان له بېلابېلو نشهیي توکو سره نیول شوي
د کابل امنیه قومانداني وایي، د ښار په بېلابېلو سیمو کې یې ۱۲۸ ګرامه هیروئین او څه باندې درې زړه قرصه «ذیکب» او «کا» ټابلیټونه ترلاسه شوي چې په تړاو یې نهه کسان هم نیول شوي دي.
بادغیس کې یو “وسلهوال غل” له امنیتي کسانو سره نښته کې وژل شوی
د بادغیس امنیه قومانداني وايي چې د دغه ولایت د مرکز قلعهنو ښار مربوطاتو کې یو وسلهوال غل له امنیتي کسانو سره نښته کې وژل شوی دی.
د اروزګان مرکز ترینکوټ ښار ته د کلدارو پر وړلو بندیز ولګېد
د اروزګان امنيتي مسوولین وايي چې د دغه ولایت مرکز ترینکوټ ښار ته یې د کلدارو پر وړلو بندیز لګولی او هغه کسان چې کلدارې ولري، تر هغو اجازه نه لري ښار ته داخل شي څو یې خپلې پیسې پر افغانیو نه وي بدلې کړې.
د بغلان په تالهوبرفک ولسوالۍ کې یو کس په ډزو وژل شوی
ځايي سرچینې وايي، د بغلان په تالهوبرفک ولسوالۍ کې د تېر حکومت د یوه ولسوال محمداسماعیل زوی په ډزو وژل شوی دی.
فراه کې سلګونه جریب کوکنار او هلمند زرګونه کیلوګرامه نشهیي توکي له منځه وړل شوي
ځایي امنیتي مسوولین وایي چې په فراه کې سلګونه جریبه ځمکه له کوکنارو پاکه او په هلمند کې نشه یي توکي نیول شوي دي.
بلخ کې یو ملي سوداګر د تښتوونکو له منګولو ژغورل شوی
ځایي مسوولین وایي چې د بلخ ولایت امنیتي ځواکونو د دوو ساعتونو په موده کې یو ملي سوداګر د انسان تښتونکو له منګولو ژغورلی دی.
خوست کې مسوولین: ۴.۵ زره کارتنه درمل او ۱۵۰۰ بورۍ بیکیفیته خوراکي توکي مو بېرته پاکستان ته ګرځولي
د خوست د خوړو او درملو ادارې مسوولین وايي چې په تېرو پنځو میاشتو کې ۱۵۰۰ بورۍ بېکیفیته خوراکي او یوه اندازه نور توکي بېرته پاکستان ته ګرځول شوي دي.
هلمند کې درې کسان د نشهیي توکو د قاچاق په تور نیول شوي
د هلمند امنیه قومانداني وایي، د دغه ولایت په مرکز لښکرګاه او خانشین ولسوالۍ کې یې د نشهیي توکو د قاچاق په تور درې کسان نیولي دي.
بلخ کې ۱۵۰ بوتله شراب ترلاسه شوي
د بلخ امنیتي مسوولین وایي، ۱۵۰ بوتله یو لېتره شراب يې ترلاسه کړي او په تړاو یې دوه کسان هم نیول شوي دي.
غزني کې په دوو جلا پېښو کې دوه کسان وژل شوي
د غزني امنیه قومانداني وايي چې د دغه ولایت په اندړو ولسوالۍ کې یوه کس ځانوژنه کړې او یو بل کس په اببند ولسوالۍ کې د دوو کورنیو ترمنځ شخړه کې وژل شوی دی.
غزني کې د انساني وېښتانو پېرلو په تور ۲۵ کسان نیول شوي
د غزني د امربالمعروف ریاست وایي چې د دغه ولایت په مقر ولسوالي کې یې د انساني وېښتانو پېرلو په تور ۲۵ کسان نیولي دي.
هرات کې ۳۰ کسان د پاسپورټ اسنادو د جعل او بډې اخیستلو په تور نیول شوي
د هرات د پاسپورټ امریت وایي چې ۳۰ کسان یې د اسنادو د جعل او د پاسپورټ اسنادو د طی مراحلو په موخه له خلکو څخه د بډې اخیستلو په تور نیولي دي.
د هلمند موسیکلا کې ۶۸ روغتیايي مرکزونه او درملتونونه تړل شوي
د هلمند عامې روغتیا ریاست د څارنې ډلې د دغه ولایت په موسیکلا ولسوالۍ کې ۶۸ روغتیایي مرکزونه او درملتونونه د روغتیایي اصولو نه رعایتولو له امله تړلي دي .
کابل کې د «خامه پرېس» خبري اژانس مسوول مدیر خوشی شو
کابل کې د «خامه پرېس» خبري اژانس مسوول مدیر منصور نېکمل وايي چې نن سهار خوشي شوی دی.
تورخم کې پاکستان ته قاچاقکېدونکي لرغوني اثار نیول شوي
ننګرهار کې ځايي چارواکي وايي چې تورخم ښارګوټي کې يې پاکستان ته د شپږ قلمه تاریخي اثارو د قاچاق مخه نیولې ده.
اسلاماباد کې یوه افغان کډوال ځانوژنه کړې
د پاکستان پولیس وايي چې د دغه هېواد د اسلاماباد ښار په «بهارکهوي» سیمه کې یوه افغان کډوال ځانوژنه کړې ده.
پروان کې یو کس وژل شوی او په تړاو یې درې تنه نیول شوي
د پروان امنیه قومانداني وايي چې تېره ورځ دغه ولایت کې یو کس د چاقو په ګزارونو وژل شوی او د دې پېښې په تړاو درې کسان نیول شوي دي.
هلمند کې ۱۵۰۰ جریبه ځمکه له غصبه راګرځول شوې
د هلمند ځایي مسوولین وایي چې تېر یوه کال کې د ځمکو د غصب مخنیوي کمېسیون له لوري ۱۵۰۰ جریبه ځمکه له غصبه راګرځول شوې ده.
