تېره اونۍ، ځینو سرچینو د نجونو زدهکړو د ځنډ پر زر ورځني دوام اندېښنه وښوده، مسکو له ا.ا سره د اړیکو ټینګښت اړتیا وبلله او بېلابېلو هېوادونو له افغانستان سره شاوخوا یو میلیارد ډالره مرسته اعلان کړه.
له ماشومانو د ملاتړ صندوق، افغانستان کې له شپږم ټولګي پورته د نجونو زده کړو پر ځنډولو - چې زر ورځې يې پوره شوي- اندېښنه ښودلې ده.
غور کې یو شمېر یتیمان ماشومان په داسې حال کې له سرپرست حکومته د ملاتړ غوښتنه کوي چې په دغه ولایت کې مسوولین وايي، دغه ماشومانو لپاره یې د ښوونې او روزنې پروګرامونه پيل کړي دي.
خوست کې د افغانستان، پاکستان او ایران د لوبغاړو ترمنځ د ازادې مبارزې سيالۍ ترسره شوې.
د فساد او پلان شوو جرمونو د راپور ورکونې پروژې (اوسيسيارپي) راپور ښیي، یوولس افغانان - چې ډېر یې پخواني چارواکي او یا هغوی ته نږدې کسان دي – په دوبۍ کې د څه باندې ۴۲ میلیون امریکایي ډالرو په ارزښت ملکیتونه لري.
د ریاستالوزرا اداري مرستیال وايي چې اسلامي امارت له ټولو امکاناتو سره د الکترونیکي حکومتولۍ پراختیا او بېلابېلو برخو کې له خوندي سافټویرونو د استفادې لپاره هلې ځلې کوي.
د کابل پوهنتون د ژبو او ادبیاتو پوهنځي له لوري نن د هغو لس تازه چاپ شوو کتابونو مخکتنه وشوه چې د پوهاند محمداسماعیل یون له لوري راټول او لیکل شوي او سمونه یې شوې ده.
د کابل امنیه قومانداني وایي، د درېیمي امنیتي حوزې اړوند سېمه کې په یوه مارسیډیز موټر کې ځای پر ځای شوي ماین چاودنې یو تن وواژه، او درې نور یې ټپيان کړل.
د کندهار سیمهییز چارواکي وایي، د دغه ولایت په سپینبولدک ولسوالۍ کې یوه څوارلس کلن هلک ځانوژنه کړې ده.
د رياستالوزرا سياسي مرستيال د ترکي خیریه بنسټونو مسوولینو او استازو سره په لیدنه کې د دواړو هېوادونو ترمنځ پر مثبتو اړیکو د ټینګار سربېره له افغانانو سره د یاد هېواد مرستې مهمې وبللې.
سمهییز مسوولین وایي، په غزني ولایت کې د رمضان جام په نوم د کرکټ سیالۍ د شپږو لوبډلو ترمنځ پیل شوې.
د لوګر ولایت د کډوالو چارو ریاست وایي، په دغه ولایت کې یې له ۱۰۳۶ کورنیو سره نغدي مرسته کړې ده.
د ترانسپورټ او هوایي چلند وزارت وایي چې سبا د ۱۴۰۳ کال د وري میاشتې په لومړۍ نېټه د هېواد په ۱۷ ولایتونو کې د نسبتا سختو بارانونو او واورو ورېدو او سېلابونو راوتلو احتمال موجود دی.
ننګرهار ولايت کې چارواکي وايي، تورخم دروازه چې څلور ورځې وړاندې پاکستانيو چارواکو د ناروغانو پر مخ تړلې وه، نن يې يوازې د هغو سرطاني ناروغانو پرمخ بېرته خلاصه کړه چې شپږ میاشتني کارټونه لري.
د افغانستان بهرنیو چارو سرپرست، د ایران له سفیر سره پر دوو اړخیزو اړیکو، سوداګرۍ، ټرانزیټ او وروستیو سیمهییزو سیاسي پرمختیاوو خبرې کړي دي.
د ازبکستان بهرنیو چارو وزیر له رئیس الوزرا سره په لېدنه کې ویلي، هېواد یې غواړي په افغانستان کې د سیمنټو د تولید د یوې فابریکې جوړولو، د ډبرو سکرو د استخراج او له ډبرو سکرو څخه د ۲۰۰ میګاواټه برېښنا تولید په پروژو کې پانګونه وکړي.
د ټرانسپورټ او هوایي چلند وزارت وايي چې د هرات نړۍوال هوايي ډګر له درېيو ورځو وروسته د الوتنو پر مخ پرانیستل شوی دی.
غزني کې د ځمکې د ملکيت پر سر د دوو کسانو ترمنځ شخړه شوې، چې په پایله کې يو کس وژل شوی.
د پاکستان جمیعت علمای اسلام ګوند مشر مولانا فضلالرحمن افغانستان ته د خپل سفر وخت په ډاګه کړ او ویې ویل چې پاکستان کې له پارلماني ټاکنو وروسته به افغانستان ته سفر وکړي.
د ننګرهار د کليو پراختيا او بيارغونې رياست مسوولين وايي چې د دغه ولایت په حصارک ولسوالۍ کې يې د ۲۲ ميلیونه افغانيو په لګښت د پاکو اوبو رسولو څلور شبکې جوړې کړې دي.
د بامیان امنیه قومانداني وايي چې د دغه ولایت په شیبر ولسوالۍ کې د ترافیکي پېښې له امله یو کس مړ او درې نور ټپیان شوي دي.
د بغلان د پوهنې ریاست مسوولین وايي، یوه کس د دغه ولایت په فرنګ ولسوالۍ کې په خپل شخصي لګښت یوه ښوونځي ته ودانۍ جوړه کړه.
د ننګرهار په مرکز جلالاباد ښار کې د برېښنا شارټۍ له امله د تېلو او جنراټورونو پلورنځيو کې اورلګېدنه رامنځته شوې چې له امله يې دوه کسان ټپيان شوي او څه باندې یو میلیون افغانی زیان یې اړولی دی.
د افغانستان د ریاستالوزار اقتصادي مرستیال ملا عبدالغني برادر او د ایران بهرنیو چارو وزیر په سیاسي، اقتصادي، تعلیمي، کلتوري او نورو برخو کې پر ګډو همکاریو خبرې کړې دي.
