غزني ښار (پژواک ۱۹ سلوغې ۱۴۰۲): غزني کې د ځمکې د ملکيت پر سر د دوو کسانو ترمنځ شخړه شوې، چې په پایله کې يو کس وژل شوی.
د غزني د امنيه قوماندانۍ مطبوعاتي مسوول ابو خالد سرحدي پژواک ته وويل، پېښه نن له غرمې مخکې د اندړو ولسوالۍ د شاتورو په کلي کې رامنځته شوې.
نوموړي زیاته کړه ، لومړی د یادو کسانو ترمنځ دځمکې په سر لفظي شخړه شوې چې وروسته په تاوتریخوالي اوښتې او په پايله کې محمد ايوب د سلطان محمد زوی وژل شوی.
هغه وایي، امنيتي ځواکونو قاتل کریم الله نيولی، چې عدلي او قضايي ارګانونو ته به ور وپيژندل شي.
Visits: 250
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن