د نيمروز ولايت يو شمېر اوسېدونکو له سرپرست حکومته غوښتي چې په ملي او نړۍوالو غیردولتي موسسو کې د ښځو د کار ځنډولو پرېکړې په اړه دې له سره غور وکړي او داسې شرایط دې برابر کړي څو مرستندويه موسسې په افغانستان کې خپل فعاليتونه او مرستې بېرته پيل کړي.
د ملګرو ملتونو د سرمنشي ځانګړي استازي د نجونو د تعليم او د نورو محدوديتونو د وضع کېدو په اړه اندېښنه ښودلې، خو د کورنيو چارو سرپرست وزير بیا ويلي چې د دغې ستونزې د هواري لپاره پر معقولې او دايمي حل لارې کار روان دی.
د ملګرو ملتونو د ښځو څانګه وايي، د اسلامي امارت له خوا په موسسو کې د افغان مېرمنو د کار د بنديز تر پرېکړې وروسته، د ۱۵۱ موسسو ۸۶ سلنه چارې یا درېدلې او یا یې هم فعالیتونه محدود شوي دي.
د پژواک ټویټر سپېس "تناظر" ځیني ګډونوال وايي، اسلام تر دویم امر پورې هم د زدهکړو ځنډ له امله د زیانونو قبولیت نه مني؛ ځو ځیني وایي، حکومت د زدهکړو نه بلکې د اختلاط، تنګ لباس او بېپردګۍ مخالف دی او دا ستونزه باید حل شي.
د ملګرو ملتونو د بشري مرستو مشر مارټین ګرېفېتس په نادولتي موسسو کې پر ښځینه کار کوونکو د بندېز په اړه د خبرو اترو لپاره کابل ته ځي. په افغانستان کې د ملګرو ملتونو د…
د دوولسو هېوادونو د بهرنیو چارو وزیرانو او اروپایي ټولنې د افغانستان له سرپرست حکومته غوښتي چې په نادولتي موسسو کې د ښځو د کار بنديز په اړه خپله پرېکړه بېرته واخلي. د امریکا بهرنیو…
دوولسو هېوادونو او اروپایي ټولنې د نادولتي موسسو ښځینه کارکوونکو د کار ځنډېدو په تړاو د افغانستان سرپرست حکومت پر وروستۍ پرېکړه اندېښنه څرګنده او پر دې پرېکړه یې د بیاکتنې غوښتنه کړې ده.
د افغانستان سرپرست حکومت له خوا د نجونو لوړو او ثانوي زدهکړو ځنډولو تر پرېکړې وروسته په ټولنیزو شبکو کې د «یا ټول – یا هېڅ» تر عنوان لاندې کمپاین پیل شوی دی.
متحده عربي اماراتو او بحرین، افغانستان کې په غیردولتي موسسو کې د ښځینه کارکوونکو د کار ځنډولو پر پرېکړې نیوکې کړې وایي، دغه کار به په افغانستان کې د بشري مرستو رسولو چارې اغېزمنې کړي.
د ملګرو ملتونو د وګړو وجهي صندوق د افغانستان له سرپرست حکومته غوښتي چې د ښځو د کار کولو د ځنډولو پرېکړه دې بېرته واخلي.
د سره صلیب نړۍواله کمېټه وایي، په افغانستان کې لس زره روغتیایي کارکوونکو ته معاشونو ورکولو ترڅنګ، ۲۴ میلیون افغانانو ته خدمات وړاندې کوي او د ښځینه کارکوونکو په اړه د سرپرست حکومت وروستۍ پرېکړه به د خلکو ژوند له ګواښ سره مخ کړي.
لومړنۍ سوداګره چې د داوطلبۍ له لارې کورنیو چارو وزارت ته د ډبرو سکرو برابرولو قرارداد ترلاسه کړی او ۵۷ کسانو ته یې د کار زمینه برابره کړې، له نورو سوداګرو ښځو غواړي چې په داسې داوطلبیو کې ګډون وکړي څو ګټوونکې شي.
ملګرو ملتونو، امریکا، ناروې، جرمني، اسټرالیا، کاناډا، د ماشومانو ژغورنې ادارې، د کډوالۍ او بښنې نړۍوالو سازمانونو په افغانستان کې د نادولتي موسسو پر ښځینه کارکوونکو بندیز غندلی او نیوکې یې کړې دي.
امریکا، ملګرو ملتونو او اروپایي اتحادیې د افغانستان سرپرست حکومت له خوا په موسسو کې پر ښځینه کارکوونکو بندیز په اړه په خپل غبرګون کې ویلي چې دغه کار بشري مرستې له ګواښ سره مخ کوي.
د اقتصاد وزارت کورنيو او بهرنيو انجوګانو ته امر کړی چې تر دويم امر پورې دې د ټولو هغو ښځينه کارمندانو دندې چې له دوی سره کار کوي، وځنډوي.
په سرپل کې یوې بهرنۍ موسسې د ۱۶۱ ښځو په ګډون ۱۹۹ کوچنیو متشبثینو ته څلور میلیون او ۴۳۱ زره افغانۍ وېشتلې دي. د سرپل ولايت د صنعت او سوداګرۍ امر سيد عبدالقادر ايوبي پژواک…
په پوهنتونونو کې د نجونو زدهکړو ځنډېدو پرېکړې غبرګون کې د افغان ښځو یوې ډلې د افغانستان سرپرست حکومت په نوم یو لیک استولی دی. د لوړو زدهکړو وزارت د لېندۍ په ۲۹مه اعلان وکړ…
په کابل کې نن یو شمېر ښځو د لوړو زدهکړو وزارت له خوا د نجونو محصلینو پر مخ د پوهنتونونو دروازو بندولو پرېکړې په غبرګون کې لاریون وکړ.
د ننګرهار پوهنتون د طب پوهنځي محصلينو د لوړو زدهکړو وزارت له خوا د ښځینه محصلینو پر مخ د پوهنتونونو بندولو پرېکړې په غبرګون کې اعتراض کړی دی.
