جوزجان کې یو شمېر هغه مېرمنې چې انلاین کسب او کار ته یې مخه کړې، وايي، په دې وروستیو کې یې کاروبار وده کړې؛ اوس د دې تر څنګ چې هېواد کې دننه پېرېدونکي لري، له امریکا، کاناډا او ځینو اروپایي هېوادونو هم ډېر سفارشونه ترلاسه کوي.
د امر بالمعروف او نهې عنالمنکر وزارت مسوولین وايي، په تېر کال کې «د ښځو پر وړاندې د تاوتریخوالي د ۲۶۳۸ مواردو او د ښځو د پلور د ۲۹۵ مواردو» مخه نیول شوې او دغهراز د رسنیو نشرات ۹۰ سلنه اصلاح شوي دي.
د دایکنډي په مرکز نیلي کې یو شمېر خیاطانې او خامکګنډونکې د خپل کاروبار پر کمرنګه کېدو اندېښنه څرګندوي او له حکومته غواړي چې د مناسب ځای او کاري امکاناتو برابرولو ترڅنګ دې د دوی تولیداتو ته د بازارموندنې په موخه نندارتونونه جوړ کړي.
د صنعت او سوداګرۍ وزارت په هېواد کې د سوداګرو ښځو ډېرېدو خبر ورکړی او وایي چې په تېرو درېیو کلونو کې ښځو ته ۱۲۰۰ تجارتي جوازونه وېشل شوي خو له بلې خوا، د سوداګرۍ…
د بغلان ښاروالي وايي، په پلان کې لري د دغه ولایت په مرکز پلخمري ښار کې د ښځو لپاره ځانګړی سوداګریز مارکېټ جوړ کړي. د پلخمري ښاروال مولوي عبدالطیف مظلوم پژواک خبري اژانس ته په…
ځايي اوسېدونکي د خوست د افغان هندوانو او سيکانو په کلي کې د «پريم نګر» په نوم د نجونو او هلکانو د لومړني تړل شوي ښوونځي د بېرته فعالېدو غوښتنه کوي.
غور کې سوداګرې او متشبثې ښځې د خپل کاروبار له پیکه کېدو شکایت لري، له حکومت او مرستندویه موسسو غواړي چې له دوی ملاتړ وکړي او په دغه ولایت کې دې د کاروبار ځانګړی ځای ورته جوړ کړي.
د سمیره محمدي په نوم یوه مېرمن چې درې کاله مخکې یې کابل ښار کې یوازې د اووه زره افغانیو په لګښت د بولانيپخولو دوکان جوړ کړی و او هغه یې اوس په یوه رسټورانټ بدل کړی وايي، ډېر ژر به دغه شان یو بل رسټورانټ هم پرانیزي.
د م.م سیاسي استازولۍ په افغانستان کې د ښځو حقونو په اړه اندېښنه ښودلې خو اسلامي امارت دغه اندېښنې ردوي او وایي چې په افغانستان کې شرعي قوانین نافذ دي او د ټولو شرعي حقونه ورکړل شوي دي.
یو شمېر نجونې چې د کانکور په ازموینه کې له ګډونه بېبرخې دي، وايي، راتلونکي ته هیلهمندې دي او له اسلامي امارته غواړي چې ښوونځي او پوهنتونونه د نجونو پر مخ پرانیزي څو هغوی د راتلونکو کلونو د کانکور په ازموینو کې ګډون وکړي.
د بشري حقونو د څار سازمان یو ځل بیا په داسې حال کې په افغانستان کې پر ښځو د لګول شوو محدودیتونو لرې کېدو غوښتنه کړې چې ا.ا په وار وار ویلي، په هېواد کې د شریعت په چوکاټ کې د ټولو حقونه خوندي دي.
جوزجان کې ځينې کونډې ښځې د اقتصادي ستونزو او بېکارۍ له امله شکایت کوي او له اسلامي امارته غواړي چې دوی ته د کار زمینه برابره کړي.
د مالیې وزارت وایي، په دولتي ادارو کې به ټولې ښځینه کارکوونکې د پخوا په څېر خپل معاشونه ترلاسه کوي او یوازې هغو ښځینه کارکوونکو ته به پنځه زره افغانۍ ورکول کېږي چې په کور ناستې دي.
غور کې ځينې ښځې وایي، د اقتصادي ستونزو او بېوزلۍ له امله مجبورې دي څو د خپلو کورنیو اعاشې برابرولو لپاره شاقه کارونه وکړي چې له امله یې د ملا پر درد اخته شوې او د خپلې درملنې وس نه لري.
د حکومت یو شمېر ښځینه کارکوونکې وایي، پنځه زره افغانیو ته یې د معاشونو ټیټېدو په اړه څرګندونو ډېرې اندېښمنې کړې خو ځینې سرچینې وایي، د دې موضوع د حل او روښانه کولو لپاره هڅې روانې دي.
دایکنډي کې یو شمېر ښځې چې په انلاین ډول یې د ارایشي محصولاتو پلور ته مخه کړې، وایي، توانېدلې چې له دې لارې د خپلو کورنیو لګښتونه پوره کړي.
جوزجان کې یوه نجلۍ چې د خیاطۍ یوې کارګاه په جوړولو یې څه باندې ۱۰۰ ښځو ته د کار زمینه برابره کړې، وايي، د خپل کار پراختیا لپاره هڅه کوي څو سل نورو ښځو ته هم د کار زمینه برابره کړي.
نیمروز کې یو شمېر غالۍاوبندونکې ښځې او د دغه صنعت کاروباریان د پلور بازار پیکه کېدو ته اندېښمن دي او له سرپرست حکومته غواړي چې د غالۍاوبدلو صنعت ژوندي ساتلو او کارموندنې په موخه د غالۍاوبدلو کارګاوې جوړې او ښځې کار ته جذب کړي.
هرات کې مسوولین د متشبثو ښځو له ډېرېدو خبر ورکوي خو یو شمېر ښځې بیا له حکومته غواړي چې د هېواد په کچه دې د ښځو کاروبار لپاره ډېر ځایونه او مارکېټونه جوړ شي.
د میدانوردګو ځايي مسوولین وایي، په دغه ولایت کې د لومړي ځل لپاره د ښځو د سوداګرۍ او صنایعو خونې فعالیت پیل کړ.
کونړ کې له «المدینه طبي علومو انسټیټیوټ» څخه د ۳۳۷ نجونو په ګډون شاوخوا ۷۵۰ کسانو د یوې غونډې په ترڅ کې د فراغت سندونه ترلاسه کړل.
کابل کې متشبثو لسګونو ښځو ته د ملګرو ملتونو پرمختیایي پروګرام (يواېنډيپي) په مالي ملاتړ جوړ شوی درې ورځنی روزنیز ورکشاپ پای ته ورسېد.
سرپل کې یوه متشبثه مېرمن وحیده فیضي چې تازه یې د شیرینيپزۍ یوه کارخونه جوړه کړې، وايي، که ملاتړ یې وشي، کولای شي ډېرو نورو ښځو ته هم د کار زمینه برابره کړي.
هرات کې یو شمېر هغه ښځې چې انلاین سوداګرۍ ته یې مخه کړې وایي، انلاین پلورنځي د یوې نوې پدیدې په توګه کولی شي د کاروبار بازار غوړېدا کې اغېزناک وي او باید هغه ښځې چې په دې برخې کې فعالیت کوي، وروزل شي.
