احمدشاه عرفانیار

تېره اونۍ جاپان او ډنمارک له افغانستان سره ۳۸ میلیون ډالر مرسته اعلان کړه، یواېن‌اېچ‌سي‌ار له پاکستانه غوښتي چې له افغان کډوالو سره نرم چلند وکړي او بېلابېلو نړۍوالو بنسټونو د نجونو زده‌کړو غوښتنه وکړه، ا.ا وايي، د نجونو د زده‌کړو مخالف نه دی.

له افغانستان سره د ۲۰.۹ میلیون ډالرو مرستې اعلان، د علماوو له خوا نجونو ته د زده‌کړو اجازې ورکولو غوښتنه، د تورخم دروازې تړل او افغانستان کې د پراخ‌بنسټه حکومت په اړه د روسیې څرګندونې او د ا.ا ځواب، د تېرې اونۍ مهم خبرونه وو.

کابل کې د چین سفیر د افغانستان د بهرنيو چارو له سرپرست سره د دوه اړخیزو همکاریو پر پیاوړتیا خبرې وکړې او وایي چې هېواد یې له افغانستان سره سل میلیونه چینایي یوان مرسته کوي.

د افغانستان بانک وایي، راتلونکې سې‌شنبې (د مرغومي ۲۶مه)  ۱۵ میلیونه امریکایي ډالر د داوطلبۍ له لارې پلوري.

تېره اونۍ مولانا فضل‌الرحمن کابل ته راغی، د اروپایي ټولنې استازو له افغان حکومت سره د تعامل په اړه خبرې وکړې او یوناما په افغانستان کې د یو شمېر ښځو پر نیولو اندېښنه څرګنده کړه خو مجاهد ناسمه وبلله.

د ملګرو ملتونو پراختیایي اداره وايي، د افغانستان ۸۵ سلنه خلک د ورځې له یو امریکایي ډالر په کمو پیسو ژوند تېروي او له ۲۰۲۰ کال راهیسې د افغانستان ناخالص کورني تولیدات ۲۹ سلنه کم شوي.

يو شمېر افغان سياسيونو تېره شپه د کابل په دشت‌برچي سیمه کې شوې چاودنه غیراسلامي او د بشر ضد عمل بللی او ځینو سرچینو ویلي چې د دغه برید مسوولیت داعش ډلې پر غاړه اخیستی دی.

تېره اونۍ افغانستان او پاکستان پر ډیورنډ کرښه د احتمالي شخړو پر هواري خبرې وکړې او د دفاع وزارت وویل چې افغانستان کې په بریدونو کې ښکېل لسګونه تاجکستانیان او پاکستانیان وژل شوي دي.

د راپورونو له مخې، سعودي عربستان اعلان کړی چې دغه هېواد د «برېکس» ډلې له هېوادونو سره یوځای شوی دی.

ایران اسلام‌کلا بندر ته د دغه هېواد د باروړونکو موټرو پر راتګ د شل ورځني بندیز ‎لرې کېدو خبر ورکوي او وايي چې دواړه لوري د سهار له ۷ د شپې تر ۱۱ بجو د دوغارون – اسلام‌کلا پولې په پرانیستو سره سلا شوي دي.

تېره اونۍ قزاقستان پر ا.ا لګولي بندیزونه لرې کړل، له افغانستان سره ۲۷.۸ میلیون ډالره مرسته اعلان شوه او امنیت شورا د افغانستان په اړه یو پرېکړه‌لیک تصویب کړ، خو روسیې او چین رایه ورنه کړه.

د ترانسپورټ او هوایي چلند وزارت وايي، د کابل په ترمینلونو کې یې د نهو مسافروړونکو بسونو فعالیت ځنډولی او له ځینو یې اضافي څوکۍ لرې کړې دي.