خان ولي احمدزی

د عینکو مسو کان د استخراج د قراردادي چیني شرکت (اېم‌سي‌سي) مسوولین وايي چې «د دغه کان پر وړاندې ټولې ستونزې هوارې شوې» او ډير ژر به یې د استخراج عملي چارې پیل کړي.

د لوګر قومي مشرانو په یوه ولسي غونډه کې د اسلامي نظام او د ملي یووالي پر پیاوړتیا ټینګار وکړ او له حکومته یې وغوښتل چې د خلکو ستونزو ته جدي پاملرنه وکړي.

د لوګر د عامې روغتیا ریاست مسوولین وایي چې د دغه ولایت په مرکز پل‌علم کې ۱۳ درملتونونه د غیرقانوني فعالیت له‌ امله تړل شوي دي.

د لوګر د امر بالمعروف، نهي عن‌المنکر او شکایتونو اورېدو ریاست مسوولین وايي چې د دغه ولایت په مرکز پل‌علم کې د دوو دښمنو کورنیو ترمنځ روغه جوړه وشوه.

لوګر کې ورزشي مسوولین وایي، د والیبال «اختریز جام» سیالۍ چې د دغه ولایت په محمداغه ولسوالۍ کې د ۴۴ لوبډلو ترمنځ پیل شوې وې، پای ته ورسېدې.

لوګر کې د هېواد د اتو ولایتونو د سلګونه کوچیانو په ګډون په یوه ولسي غونډه کې د ناوړه دودونو د له منځه وړلو لپاره د خلکو د عامه پوهاوي کچې پر لوړولو او ځوانانو ته د زده‌کړو زمینې پر برابرولو ټینګار وشو.

د لوګر کرکټ امریت مسؤولین وایي چې د دغه ولایت په محمداغې ولسوالۍ کې د ولایت په کچه د لس لوبډلو ترمنځ د کرکټ شل اووریزې سیالۍ د «سفېدسنګ» کرکټ لوبډلې په اتلولۍ پای ته ورسېدې.

د لوګر د پوهنې ریاست وايي چې د ملګرو ملتونو د کډوالۍ نړۍوال سازمان (UNHCR) له لوري د دغه ولایت د مرکز پل‌علم ښار د کډوالو ښارګوټي یوه ښوونځي ته ودانۍ جوړه شوه.

د لوګر ولایت په مرکز پل‌علم ښار کې «د شاعرانو او فرهنګیانو ملاتړ» تر عنوان لاندې مشاعره جوړه شوه.

د لوګر امنیه قومانداني وایي چې د کابل – ګردېز پر لویه لار د دوو جلا ترافیکي پېښو له امله د ښځو او ماشومانو په ګډون ۱۵ کسانو ته مرګ‌ژوبله اوښتې ده.

د ملګرو ملتونو د ماشومانو ملاتړ صندوق (UNICEF) د لوګر ولایت له دولتي ښوونځیو سره د ۷۰ زره امریکایي ډالرو په ارزښت د درسي توکو مرسته وکړه.

د لوګر امنیتي مسوولین وایي چې د کابل – ګردېز پر لویه لار د یوه موټر چپه کېدو پېښه کې د ښځو او ماشومانو په ګډون پنځه کسان ټپیان شوي دي.