نسرین سیدي

بادغیس کې امنیتي سرچینې وايي چې په دغه ولایت کې د دهشکې د یوې زړې مرمۍ چاودنې له امله درې ماشومان ټپیان شوي دي.

بادغیس کې امنیتي سرچینې وايي چې د دغه ولایت په مقر ولسوالۍ کې د درغلۍ او نشه‌یي توکو او تاریخي اثارو د قاچاق په تور درې کسان نیول شوي دي.

غور کې سیمه‌ییزې سرچینې د دغه ولایت په تیوره او پسابند ولسوالیو کې د نږدې ۱۴ میلیون افغانیو په لګښت د پاکو اوبو رسولو د دوو شبکو جوړولو خبر ورکوي او وايي چې په بشپړېدو سره به یې لسګونه کورنۍ د څښاک پاکو اوبو ته لاسرسی پیدا کړي.

د غور امنیه قومانداني وايي چې د دغه ولایت په پسابند ولسوالۍ کې د «ومان» بوټي راټولولو او پلور په تړاو ۱۹ کسان نیول شوي دي.

د غور امنیتي مسوولین وایي چې په دغه ولایت کې یې د نشه‌يي توکو د قاچاق په تور درې کسان نیولي دي.

د غور د مرکز فېروزکوه اړوند د «شورابک» کلي یو شمېر اوسېدونکي وايي، د پرله‌پسې وچکالیو له امله یې د څښاک پاکو اوبو ته لاسرسی ستونزمن شوی چې له امله یې په ماشومانو کې د نس‌ناستي په څېر ناروغۍ ډېرې شوې دي.

بادغیس کې ځايي مسوولین وايي چې د دغه ولایت په مرکز او ولسوالیو کې سلو مالدارانو ته د څارویو ۳.۵ مټریک ټنه خوراکي توکي ووېشل شول.

د غور د اطلاعاتو او فرهنګ ریاست وايي چې په دغه ولایت کې د ملګرو ملتونو اړوند یو موټرچلوونکی د هغې ترافیکي پېښې په تړاو چې دوه ماشومانې په‌کې مړې شوې وې، نیول شوی، خو په افغانستان کې د ملګرو ملتونو دفتر تر اوسه په دې اړه څه نه دي ویلي.

په غور او بادغیس ولایتونو کې سیمه‌ییزې سرچینې د څه باندې ۱۱ کیلوګرامه نشه‌یي توکو د کشف او ضبط او د خلکو د ځورونې او نشه‌يي توکو د قاچاق په تور د پنځو کسانو د نیول کېدو خبر ورکوي.

غور کې سیمه‌ییزې سرچینې وايي چې په دغه ولایت کې د ۲۰ ورزشکارانو په ګډون «د همدردۍ او دوستۍ جام» په نوم د بدن ښکلا سیالۍ ترسره شوې.

د غور د کلیو پراختیا او بیارغونې ریاست په دغه ولایت کې د اوبو رسولو د دوو شبکو جوړولو د چارو له پیله خبر ورکوي او وايي چې په بشپړېدو سره به یې ۶۰۰ کورنۍ د څښاک پاکو اوبو ته لاسرسی ومومي.

د بادغیس امنیه قومانداني وايي چې د دغه ولایت په قادس ولسوالۍ کې د چاودېدونکو توکو چاودنې دوه ماشومان وژلي دي.