يوسف ظريفي

د ننګرهار د کرنې رياست وايي، د ملګرو ملتونو د خوړو او کرنې نړۍوالې ادارې له لوري په دغه ولایت کې ۲۱زره او ۱۰۰ ګروندګرو ته د غنمو اصلاح شوی تخم او کېمیاوي سره ووېشل شول.

د ننګرهار په مرکز جلال‌اباد ښار کې یو شمېر اهنګران وايي چې د دوی تولید ته ورته وارداتي توکو یې کاروبار نږدې له سقوط سره مخ کړی دی.

د ننګرهار امنیه قومانداني وايي، د دغه ولایت په نازیانو ولسوالۍ کې امنیتي منسوبینو د ځنګلي ونو د خپلسرې وهنې په تړاو پنځه کسان نيولي دي.

د ننګرهار د مرکز جلال‌اباد ښار یو شمېر اوسېدونکي ټینګار کوي چې د سپین جومات جوړولو چارې دې بشپړې شي خو بل لور ته حکومتي مسوولین بیا وايي چې د دغه جومات جوړولو قضیه محاکمو ته تللې ده.

د ننګرهار د عامې روغتيا رياست وايي، په سپين‌غر او روداتو ولسواليو یې کې د ماشومانو د ساتنې ادارې په مالي مرسته دوه روغتيايي مرکزونه جوړ کړي او نن یې ګټې اخیستنې ته سپارلي چې ۱۱۲ زره امریکايي ډالر لګښت ورباندې شوی.

د ننګرهار ولايت مرکز جلال‌اباد ښار کې د ۱۹ ميليون افغانيو په لګښت د يوه فرعي سړک او ويالو جوړولو چارې پيل شوې.

د ننګرهار برېښنا رياست مسوولین وايي، پر پوروړو پېرودونکو د برېښنا پرې کولو دوه ورځني کمپاين کې توانېدلي چې ۱۷ ميليونه افغانۍ پورونه راټول کړي.

د ننګرهار د امنيه قومانداني مسوولین وايي، د جلال‌اباد ښار له واټونو څخه يې لسګونه روږدي کسان راټول او د درملنې لپاره يې پلازمېنې کابل ته ولېږدول.

د ننګرهار د برېښنا رياست له لوري په دغه ولایت کې د پوروړو پېرودونکو د برېښنا پرې‌کولو لړۍ پيل شوه او په لومړۍ ورځ یې د سلګونو مېترونو برېښنا پرې کړې ده.

د ننګرهار ولايت د کار او ټولنیزو چارو رياست له لوري ۷۲۰ ځوانانو ته د خياطۍ او چرګانو روزنې وسايل ورکړل شول او دغه راز په يادو برخو کې زده‌کړې هم ورکول کېږي.

د لوړو زده‌کړو وزارت سرپرست وايي، اسلامي امارت د ښوونیز نظام لپاره داسې پاليسي رامنځته کوي چې اسلامي او کلتوري ارزښتونه په کې خوندي وي.

ننګرهار کې یو شمېر خلک له تېرو دوو اونيو راهيسې د ډينګي ويروسي ناروغۍ په اړه اندېښمن دي خو د دغه ولايت روغتيايي چارواکي که څه هم د ډینګي ناروغۍ شتون تاییدوي خو وايي، په دومره کچه نه ده چې د اندېښنې وړ وي.