يوسف ظريفي

د ننګرهار ولايت امنيتي مسوولین وايي، د جلال‌اباد ښار د تالاشۍ څلور لارې په ځمکتلي کې د تېرې شپې اورلګېدنې له امله د درې ميليون افغانيو په ارزښت مبایلونه او نور توکي سوځېدلي دي.

د ننګرهار په خوږياڼو او د زابل په ارغنداب ولسوالیو کې د څه باندې ۱۲،۵ میلیون افغانیو په لګښت د اوبو رسولو دوه شبکې جوړې شوې.

د ننګرهار د کار او ټولنيزو چارو رياست وايي، د دغه ولایت د سره‌رود ولسوالۍ د خښتو په بټیو کې شاوخوا شپږ زره کسان کار کوي چې نږدې نیمايي یې ماشومان او تنګي ځوانان دي.

په ننګرهار او لوګر ولایتونو کې د شاوخوا ۳۵۰ زره امریکايي ډالرو په لګښت یو استنادي دېوال او یو کانال جوړ او ګټې اخیستنې ته وسپارل شول.

د ننګرهار په ګوشتې ولسوالۍ کې د دوو کورنيو ترمنځ اته کلنه دښمني چې یوه مېرمن هم په‌کې وژل شوې وه، نن د قومي مشرانو په منګړیتوب پای ته ورسېده.

د ننګرهار د امنیه قوماندانۍ مسوولین وايي چې تېرو اتو مياشتو کې يې د دغه ولایت په مرکز او ولسوالیو کې د بېلابېلو جرمونو په تړاو څه باندې ۱۴۰۰ کسان نیولي دي.

د ننګرهار عامې روغتيا رياست له لوري د دغه ولايت په ۲۲ ولسواليو کې نجونو ته د خوارځواکۍ مخنيوي په موخه په وړیا ډول د اوسپنې یا فولیک اسید ګولیو وېشلو کمپاين پيل شو.

د ننګرهار د اطلاعاتو او فرهنګ رياست وايي چې «د ځوانانو د روغتيا او پرمختيا» موسسې په همکارۍ يې دغه ولايت کې ۴۲۰ ځوانانو ته د کمپيوټر او بېلابېلو برخو کې حرفوي زده‌کړې ورکړې دي.

د ننګرهار امنيه قومانداني وايي چې د دغه ولایت د دره نور ولسوالۍ د شيمل او لمټک کليو ترمنځ اووه کلنه دښمني په دوستۍ بدله شوه.

د ننګرهار کانال رياست مسوولین وايي چې سږ کال د دغه کانال د مالټو باغونو ډېر حاصلات ورکړي او د اټکل له مخې، څه باندې  ۳۰۰۰ ټنه مالټې به ترې راټولې او بازار ته وړاندې شي.

د ننګرهار چارواکي وايي چې د دغه ولایت د مرکز جلال‌اباد ښار اتمه ناحیه کې د تندر لوېدو له امله دوه کسان ټپيان شوي دي.

په ننګرهار کې د ملګرو ملتونو د ماشومانو وجهي صندوق له لوري د مور او ماشوم د ژوند ژغورلو په موخه له یو شمېر روغتیايي مرکزونو سره د مجهزو او اړینو طبي وسایلو مرسته وشوه.