اجمل وصال

د اوبو او برېښنا وزارت سرپرست، تېره ورځ اروزګان کې یوې خبرې غونډې ته ویلي چې هېواد کې اوسنۍ پراختیایي چارې د امریکا په ډالري کڅوړو نه دي روانې، بلکې لګښتونه یې له ولس څخه په راټولېدونکو مالیاتو پوره کېږي.

اروزګان ولایت کې د یوې غونډې ګډونوالو له حکومتي او غیرحکومتي ادارو وغوښتل چې ځوانانو ته د کاري زمینو برابرولو ته لومړیتوب ورکړي او د ګومارنې پرمهال د اړیکو پرځای وړتیا په پام کې ونیسي.

د اروزګان عامې روغتیا ریاست وایي، د روغتیا په برخه کې د دولتي او مرستندویه ادارو په ګډه هڅې روانې دي چې د دغه ولایت لرو پرتو سیمو ته بشپړ روغتیایي خدماتو ورسوي.

د اروزګان په مرکز ترینکوټ ښار کې د دوولس لوبډلو ترمنځ د والیبال ۲۵ ورځنۍ سیالۍ نن د «مرکزي الف» لوبډلې په بریا پای ته ورسېدې.

تېره شپه د اروزګان په دهراوود ولسوالۍ کې یوې کونډې ښځې خپل ورور په ډزو وژلی دی.

د اروزګان د مرکز ترینکوټ ښار په بېلابېلو سیمو کې نن د سره صلیب نړۍ‌والې کمېټې له لوري د یوه چکډیم په ګډون د څلورو پروژو چارې پيل شوې.

د اروزګان د یو شمېر ولسوالیو او لرې پرتو سیمو اوسېدونکي شکایت کوي چې لا هم په خپلو سیمو کې مخابراتي خدماتو ته لاسرسی نه لري‎ او د یوې ټیلیفوني اړیکې لپاره اړ دي ساعتونه مزل وکړي.

د اروزګان د عامې روغتیا ریاست مسوولین وايي چې د دغه ولایت په کچه یې د بېړنیو ناروغانو لېږدولو په موخه د لومړي ځل لپاره د امبولانس خدمتونه پیل کړي دي.

د اروزګان پوهنتون د کمپیوټرساینس پوهنځي د لومړۍ دورې محصلانو په لومړي ځل د ټکنالوژۍ برخه کې ۱۹ طرحه شوې پروژې نندارې ته وړاندې کړې.

د اسلامي امارت د چارو ادارې د ښارواليو د انسجام رییس اروزګان ولایت ته د خپل سفر پر مهال یوه غونډه کې ویلي، د ښارونو پراختیا لپاره وروستي منظور شوي پلانونه به تر هغه د عملي کېدو وړ وي چې کومه لویه تخنیکي ستونزه نه وي رامنځته شوې.

د اروزګان امنیتي مسوولین وايي، تېره ورځ د دغه ولایت په دهراوود ولسوالۍ کې يوه کس خپل ورور د ځمکې پر سر شخړه کې په ډزو وژلی دی.

اروزګان کې د یوه ځايي اوسېدونکي له لوري د نهه میلیون افغانیو په لګښت د یوه لوی پل جوړېدو چارې پیل شوې چې په شپږو میاشتو کې به بشپړې شي.