<p style="text-align: justify;">پلعلم، ترینکوټ (پژواک، ۶ سلواغه ۱۴۰۳): سیمهییزمسوولین وایي چې په لوګر او اروزګان ولایتونو کې د ملګرو ملتونو د خوړو نړۍوال پروګرام (WFP) له لوري زرګونو بېوزله کورنیو ته نغدي او خوراکي مرستې وېشل شوې دي.</p>
<p style="text-align: justify;">د لوګر د کلیو پراختیا او بیارغونې ریاست مطبوعاتي مسؤول صبغتالله نائبخېل پژواک خبري اژانس ته وویل، د ملګرو ملتونو د خوړو نړۍوال پروګرام (WFP) له لوري په دغه ولایت کې ۳۱۰۰ بېوزله کورنیو ته مرستې ووېشل شوې دي.</p>
<p style="text-align: justify;">هغه وویل چې په مرکز پلعلم کې له ۲۶۰۰ کورنیو سره نغدي مرسته وشوه او هرې کورنۍ ته ۲۹۰۰ افغانۍ ورکړل شوې دي.</p>
<p style="text-align: justify;">هغه زیاته کړه، په خوښۍ ولسوالۍ کې ۵۰۰ کورنیو ته خوراکي توکي وېشل شوي چې د ده په وینا، هرې بېوزله کورنۍ ته یوه بوجۍ ۵۰ کیلوګرامه اوړه، ۱۰ لېتره غوړي، ۶ کیلوګرامه دال، ۳ کیلوګرامه سوپر سریال او ۳۰ پاکټه د ماشومانو خواړه شامل دي.</p>
<p style="text-align: justify;">په ورته وخت کې، د اروزګان د کلیو بیارغونې او پراختیا ریاست اداري مدیر ننګیالی حبیبي وایي چې د دغه ولایت په چنارتو ولسوالیو کې ۳۴۳۲ کورنیو ته خوراکي توکي ورکړل شول.</p>
<p style="text-align: justify;">د هغه په خبره، د دغه ریاست تر چتر لاندې د خوړو نړۍوال پروګرام له خوا هرې کورنۍ ته ۵۰ ګیلوګرامه اوړه، ۴.۷۲ لېتره غوړي، دال او مالګه ورکړل شول.</p>
<p style="text-align: justify;">د یادونې ده، د ملګرو ملتونو د خوړو نړۍوال پروګرام مخکې هم په لوګر،اروزګان او یو شمېر نورو ولایتونو کې په زرګونو بېوزله کورنیو ته ورته مرستې وېشلې دي.</p>
