احمدصهیب حسرت

د کانونو او پټرولیم وزارت سرپرست د ټاپي پروژې له اجرائیوي رییس سره په ليدنه کې ویلي، د دې پروژې پلې کول نه یوازې د افغانستان، بلکې د درې واړو هېوادونو په ګټه دي او په افغانستان کې د پروژې د تطیبق پر وړاندې هيڅ خنډ نشته.

مالیې وزارت وایي، د کابل ښار په میرویس میدان (کوټه‌سنګي) سیمه کې د ۴،۵ میلیون امریکایي ډالرو په پانګونه د یوه سوداګریز مارکېټ جوړولو چارې پيل شوې.

د افغانستان د ازادو خبریالانو ټولنه وايي چې د خوست د ځایي راډیوګانو درې کارکوونکي چې د اختر په خپرونو کې «د موسیقۍ خپرولو» له امله نیول شوي وو، خوشي شول.

ستره محکمه وايي چې د کاپیسا د لومړۍ ښاري محکمې د پرېکړې پر بنسټ، پر دوو کسانو د غلا په جرم په عام محضر کې د تعزیري جزا حکم تطبیق شو.

د عامې روغتیا وزارت وایي، د روغتیا نړۍوال سازمان په مالي ملاتړ د کابل په اندراګاندي روغتون کې د اکسیجن د تولید څانګه جوړېږي چې په ۲۴ ساعتونو کې به د ۲۰۰ بالونونو اکسیجن د تولید وړتیا ولري.

ملګرو ملتونو په یوه تازه راپور کې ویلي، افغانستان ته له ګاونډیو هېوادونو په ډېر شمېر د کډوالو ستنېدل د دې اړتیا جوړوي چې له دغه هېواد سره دوامداره مرستې وشي.

ستره محکمه وایي، د میدان‌وردګو ولایت په سیداباد ولسوالۍ کې یو تن چې پر غلا متهم و، په عام محضر کې ۳۹ دُرې تعزيري سزا ورکړل شوه.

د افغانستان د خبریالانو مرکز وایي، د نور او بریا ټلوېزیونونو خپرونو ځنډول د ټولیزو رسنیو له قانون سره په ټکر کې دي، خو د اطلاعاتو او فرهنګ وزارت وایي، دغه پرېکړه یې له اصولو سره سمه او له بیا بیا توصیو وروسته کړې ده.

سي‌پي‌جي وایي، افغانستان کې پر فېسبوک احتمالي بندیز د معلوماتو رسونې بهیر له خنډونو سره مخ کوي، خو ا.ا وایي، فېسبوک خپله د بیان ازادي محدوده کړې او نه پرېږدي له لارې یې د امارت اړوند مسایل خپاره شي.

ايرنا خبري اژانس خبر ورکړی چې د ایران د سیستان او بلوچستان په سوېل کې د نښتو له امله پنځه امنیتي سرتېري او پنځلس بریدګر وژل شوي دي.

د اسلامي امارت مشرتابه په یوه تازه فرمان کې راغلي چې له هټۍ‌والو (اصنافو) د لوحو فیس دې نه اخیستل کېږي.

د افغانستان بهرنیو چارو وزارت وایي چې د صنعت او سوداګرۍ وزارت سرپرست او د سوداګرۍ خونې رییس د «کازان» راتلونکې غونډې ته بلل شوي دي.