رازمحمد راز

د میدان‌وردګو په نرخ ولسوالۍ کې یوه ښوونځي ته ودانۍ جوړه شوه او بلخوا د بغلان په مرکز پلخمري کې د یوه سړک جوړولو چارې پیل شوې.

د بغلان امنیې قوماندانۍ مسوولین وایي، تېر ماښام یې هغه تورن کس نیولی چې وړمه ورځ یې د رومل په نوم د یوه کس په وژلو کې لاس درلود.

بغلان کې د مڼو بڼوال او سوداګر وایي، سږ کال په دغه ولایت کې د مڼو حاصلات ډېر دي خو بیه یې د تېر کال په پرتله ۵۰ سلنه ټیټه شوې ده.

بغلان کې د وروستیو سېلابونو له امله یو شمېر بې‌کوره شوي خلک وايي، د حکومت او مرستندویه ادارو له لوري ورسره د کورونو جوړولو ژمنې شوې خو لا هم نه دي عملي شوې، بلخوا مسوولین وايي، لسګونه کورونه جوړ شوي دي.

د بغلان د کرنې ریاست مسوولین او کروندګر وايي، سږ کال په دغه ولایت کې د پیازو حاصلات ۱۴ سلنه ډېر شوي او بیه یې هم دوه برابره لوړه ده.

د بغلان ولایت په دهنه‌غوري ولسوالۍ کې د ځایي اوسېدونکو له لوري  د ۶۰ زره امریکایي ډالرو په لګښت د یوې دیني مدرسې د جوړولو چارې پیل شوې.

بغلان کې ورزشي مسوولین وایي، د دغه ولایت په مرکز پلخمري کې د ۱۳۰ پهلوانانو ترمنځ د غېږنیونې سیالۍ ترسره شوې.

د بغلان امنیه قومانداني وایي، د دغه ولایت په مرکز پلخمري کې د دوو ځوانانو ترمنځ شخړه شوې چې په پایله کې یې یو د چاقو په ګوزارونو وژل شوی دی.

د بغلان په مرکز پلخمري کې د دغه ولایت د کرکټ یوولسو لوبډلو ترمنځ ۵۰ اوریزې سیالۍ پیل شوې چې څه باندې یوه میاشت به دوام ولري.

د بغلان د عامې روغتیا ریاست مسوولین وايي چې په دغه ولایت کې له تېرو شپږو میاشتو راهیسې نږدې ۱۹ زره ماشومان پر خوارځواکۍ اخته شوي دي.

بغلان کې امنیتي مسوولین وایي، د دغه ولایت په دهنه غوري ولسوالۍ کې یوه ځوان د ټوپک په ډز خپل ځان وژلی دی.

بغلان کې ځایي مسوولین وایي چې د دغه ولایت په مرکز پلخمري ښار کې د ۶۰ میلیون افغانیو په لګښت د شپږ کیلومتره یوه سړک  پراخولو او پخولو کار پیل شو.