رقیبه بارکزی

د جوزجان مرکز شبرغان ښار کې یوې مېرمنې د یوه کورس په جوړولو سره ۱۰۰ نجونو ته له شپږم ټولګي پورته د زده‌کړو زمینه برابره کړې، دغه کورس کې شاملې نجونې له ا.ا غواړي چې د دوی انتظار دې پای ته ورسوي او پر مخ یې دې ښوونځي پرانیزي.

جوزجان کې یو شمېر ډاکټرانو او روغتیایي مسوولینو د ډاکټر له سپارښتنې پرته په خپلسرې توګه د درملو کارولو پر ډېرېدو اندېښنه ښودلې، دا کار یې خطرناک بللې او سپارښتنه کوي چې د ډاکټر له مشورې پرته باید هیڅ ډول درمل ونه کارول شي.

د جوزجان په مرکز شبرغان ښار کې یوه ښځه توانېدلې چې د خواږه پخولو یوې کارخونې په جوړولو ‎سره د خپلې کورنۍ اقتصادي ستونزو د حل ترڅنګ، ۱۵ نورو اړمنو ښځو ته هم د کار زمینه برابره کړي.

له پاکستان او ایرانه یو شمېر را ایستل شوي افغانان چې د جوزجان په مرکز شبرغان ښار کې په موقتي کمپونو کې ځای پر ځای شوي، له سرپرست حکومت او مرستندویه موسسو د مرستو له امله مننه کوي، خو د سرپناه او کاري فرصتونو برابرېدو غوښتنه کوي.

د جوزجان امنیه قومانداني وايي، د شبرغان – مزارشریف پر لویه لار د یوه موټر چپه کېدو له امله اووه کسان ټپیان شوي دي.

د جوزجان د خواجه دوکوه ولسوالۍ ځيني اوسېدونکي د څښاک پاکو اوبو له کمښته شکایت لري او له مسوولینو غواړي چې د دوی لپاره د څښاک پاکو اوبو برابرولو په برخه کې پاملرنه وکړي.

د جوزجان د مردیان ولسوالۍ ځيني زده‌کوونکي له حکومته غواړي چې د دې ولسوالۍ ښوونځیو ته مجهز لابراتوارونه جوړ کړي او د ساینسي نوښتونو لپاره دې وسایل ورکړي.

جوزجان کې یوې مېرمنې چې د خیاطي کارګاه جوړولو له لارې یې لسګونه ښځو ته د کار زمینه برابر کړې، له کورنیو وغوښتل چې د خپلو لوڼو د وړتیاوو پر وړاندې خنډ ونه ګرځي.

جوزجان کې ځایي سرچینې په دغه ولایت کې د ۱۷ کیلومټره سړک د بیارغولو چارو له پیلېدو خبر ورکوي او وايي چې په دې پروژه کې څه باندې ۷۰۰ کسانو ته د کار زمینه برابره شوې ده.

د جوزجان خواجه‌دوکوه ولسوالۍ د څو کلیو اوسېدونکي په داسې حال کې خپلو ماشوم ته د ښوونځي له نشتوالي شکایت کوي چې د دغه ولایت د پوهنې ریاست د دې ستونزې د هوارېدو ډاډ ورکوي.

د جوزجان ځيني کروندګر په داسې حال کې د پنبې له ټيټې بیې او د بازار له نشتوالي شکایت لري چې مسوولین وایي، په دغه ولایت کې سږ کال د پنبې په حاصلاتو کې ۴۰ سلنه ډېروالی راغلی دی.

د جوزجان د سیندیزې حوزې رییس د اوبو او انرژۍ وزارت له سرپرست سره لیدنه کې د ځمکې لاندې اوبو د کچې ټیټېدو په اړه اندېښنه څرګنده کړې او د اوبو د بې‌درېغه استفادې پر مخنیوي یې ټینګار کړی دی.‎