افغان کډوال

الماني رسنیو راپور ورکړی چې دغه هېواد په افغانستان کې واک ته د اسلامي امارت له رسېدو راهیسې د دویم ځل لپاره یوه ډله نور «مجرم» افغان کډوال له خپلې خاورې وباسي.

د کډوالۍ نړۍوال سازمان اعلان کړی چې په تېرو درېیو میاشتو کې له پاکستان او ایرانه ۹۸۳ زره او ۵۵ افغان کډوال په خپله خوښه او جبري ډول افغانستان ته ستانه شوي دي.

د پاکستان په کراچۍ ښار کې د افغانستان قونسلګري وايي، تېره ورځ د پاکستان پولیسو کراچۍ کې ۲۹ هغه افغان کډوال نیولي وو چې د کډوالۍ کارتونه یې هم لرل، خو وروسته یې خوشي کړي دي.

له المان څخه د افغان کډوالو د ایستلو لړۍ په دوام، د دغه هېواد رسنیو راپور ورکړی چې په ۲۰۲۴ زېږدیز کال کې څه باندې ۱۳۰۰ افغان کډوال له المان څخه ایستل شوي دي.

ایراني رسنیو د دغه هېواد د سمنان ولایت د یوه چارواکي له قوله اعلان کړی چې د افغان کډوالو په ګډون ټول بهرني اتباع به د ۱۴۰۴ کال تر پایه له دغه ولایت څخه وایستل شي.

د پاکستان پلازمېنې اسلام‌اباد کې پولیسو له تېرو دوو ورځو راهیسې ډېر افغان کډوال نیولي او هلته مېشت افغانان له ملګرو ملتونو غواړي چې د پاکستان د دغه چلند مخه ونیسي.

د افغانستان د کډوالو او راستنېدونکو چارو وزارت وایي چي پاکستاني پولیسو په تېرو څو ورځو کې د اسلام‌اباد په بېلابېلو سیمو کې شاوخوا ۸۰۰ افغان کډوال نیولي او بندیان کړي یې دي.

پر افغان کډوالو د محدویتونو زیاتېدو په تړاو د پاکستاني چارواکو د وروستیو څرګندونو په دوام، په پاکستان کې د افغانستان سفارت اعلان کړی دغه ډول څرګندونې د دواړو هېوادونو ترمنځ د بې‌باورۍ فضا پیاوړې کوي.

د کډوالو او بېرته راستنېدونکو چارو وزارت وایي چې تېرو دوو ورځو کې د ترکیې له استانبول ښار څخه ۳۲۵ افغان کډوال هېواد ته راستانه شوي دي.

د ایران د بشري حقونو سازمان “حال‌وش” ویلي، د ایران سرحدي ځواکونو په ډزو کې افغان کډوالو ته درنه مرګ ژوبله اوښتې او دوو عیني شاهدانو د وژل شوو شمېر ۲۶۰ تنه ښودلی، خو دغه څرګندونې تر اوسه نورو سرچینو نه دي تایید کړي.

هرات کې ځایي سرچینې وایي چې په دې وروستیو کې له ایرانه د قانوني افغان کډوالو د اخراج لړۍ چټکه شوې ده.

د کډوالۍ نړۍوال سازمان وایي، د روان زېږدیز کال په تېرو درېیو میاشتو کې له پاکستان او ایرانه څه باندې ۸۵۸ زره افغان کډوال خپل هېواد ته ستانه شوي او دغه راز څه باندې ۵۳۲ زره بیا یادو هېوادونو ته کډوال شوي دي.