<p style="text-align: justify;">کابل (پژواک، ۲۵ تله ۱۴۰۳): د ایران د بشري حقونو سازمان "حالوش" ادعا کړې، د ایران سرحدي ځواکونو په ډزو کې افغان کډوالو ته درنه مرګ ژوبله اوښتې او دوو عیني شاهدانو د وژل شوو شمېر ۲۶۰ تنه ښودلی، خو دغه څرګندونې تر اوسه نورو سرچینو نه دي تایید کړي.</p>
<p style="text-align: justify;">حالوش وایي، سرچینو مخکې ورته ویلي وو چې د ایران سرحدي ځواکونو د کلګان په سرحدي سیمه کې پر هغو افغان کډالو ډزې کړې چې غوښتل یې ایران ته ولاړ شي.</p>
<p style="text-align: justify;">سرچینې ویلي و چې په دغو ډزو کې لسګونه افغانان وژل شوي او لسګونه نور ټپیان دي.</p>
<p style="text-align: justify;">حالوش تېره شپه د هغو دوو افغانانو له قوله چې د ګلکان په سرحدي سیمه کې د خپلو هېوادوالو د وژنې شاهدان وو، لیکلي چې په دغو ډزو کې ۲۶۰ افغان کډوال وژل شوي دي.</p>
<p style="text-align: justify;">د افغانستان اسلامي امارت او د ایران حکومت تر اوسه په دې اړه څه نه دي ویلي.</p>
نورو سرچینو هم تر اوسه دغه خبر نه دی تایید کړی.
