بامیان

د بامیان ځایي مسوولین وایي چې د دغه ولایت هوایي ډګر د څه باندې ۴۰ میلیون افغانیو په لګښت بیارغول کېږي.

ستره محکمه وایي، په بامیان او میدان‌وردګو ولایتونو کې څلورو کسانو ته چې پر بېلابېلو جرمونو تورن وو، په عام محضر کې تعزیري سزا ورکړل شوې ده.

بامیان کې ځايي مسوولین وايي، د دغه ولایت په یکاولنګ نمبر۱ ولسوالۍ کې د مرغانو د ښکار په تور درې کسان نیول شوي دي.

د بامیان ځايي مسوولین وايي چې د دغه ولایت د یکه‌ولنګ نمبر۱ ولسوالۍ کې د ترافیکي پېښې له امله لږ تر لږه ۱۷ کسان ټپیان شوي دي.

د بامیان ځایي مسوولین وایي، د کلیو پراختیا او بیارغونې وزارت سرپرست د دغه ولایت له والي سره په لیدنه کې ویلي چې په بامیان کې به د څه باندې ۱۴۱ میلیون افغانیو په لګښت پرمختیايي پروژې پلې شي.

کارپوهان وایي چې د ګرځندوی صنعت له غوړېدو سره په بامیان کې سیمه‌ییز اقتصاد وده کړې او سلګونو کسانو ته کارونه پیدا شوي او د دغه صنعت برخه کې د لا ډېرې پانګونې په صورت کې به افغانستان په راتلونکي کې د ګرځندوی پر مرکز بدل شي.

د صنعت او سوداګرۍ وزارت سرپرست، بامیان ته د خپل سفر په ترڅ کې اړوند مسوولینو ته لارښوونه کړې چې د دغه ولایت په «قشقه» دښته کې د صنعتي پارک د جوړېدو موضوع تعقیب کړي.

ځايي مسوولین وايي چې د بامیان په نمبر۱ یکا‌ولنګ او د بغلان د خنجان ولسوالۍ شمالي سالنګ کې د ترافیکي پېښو له امله شپږ کسان وژل شوي او څلور نور ټپيان دي.

د بامیان امنیه قوامانداني وايي چې د دغه ولایت د مرکز په مربوطاتو کې په دوو جلا ترافیکي پېښو کې دوه کسان مړه شوي او ۱۰ نور ټپیان شوي دي.

بامیان کې ځايي مسوولین وايي، د دغه ولایت په مرکز کې د یوې ترافیکي پېښې له امله یو کس مړ او لږ تر لږه ۱۱ نور ټپیان شوي دي.

د بامیان ځایي مسوولین وایي چې د دغه ولایت د ښکاري درې د ۶۵ کیلومتره سړک د بیارغونې کار پیل شو.

بامیان کې ځيني شعیه دیني عالمان وایي، د عاشورا ماتم‌کوونکي دې د قمه‌وهنې او وینو تویولو پر ځای – چې د اسلام له نظره ښه کار نه دی – روغتیایي مرکزونو ته ولاړ شي او هلته دې وینه ورکړي او د ناروغانو ژوند دې وژغوري.