زده‌‌کړو

د لوګر اطلاعاتو او فرهنګ ریاست وایي چې د دغه ولایت په مرکز پل‌علم کې ۸۰۰ بې‌وزله زده‌کوونکو ته وړیا ښوونیز پروګرام پيل شو.

کابل کې د کار او ټولنیزو چارو وزارت اړوند د څرخي پله د فني او حرفوي زده‌کړو په مرکز کې له نشه‌یي توکو رغېدلو څه باندې ۵۰۰ کسانو ته د فني او حرفي زده‌کړو پروګرام پیل شو.

د ملګرو ملتونو کارپوهانو، افغانستان کې په طبي انسټیټیوتونو کې د نجونو د زده‌کړو پر ځنډولو اندېښنه ښودلې او له افغان چارواکو یې غوښتي چې دغه پرېکړه بېرته واخلي.

د رياست‌الوزراء سياسي مرستيال په افغانستان کې د زده‌کړو پر پراختیا او متوازن انکشاف د ټینګار سربېره ویلي، د مدرسو زده‌کوونکي باید د دیني زده‌کړو ترڅنګ په اداري اصولو او پوهې هم ځانونه سمبال کړي او اړین عصري علوم زده کړي.

د کار او ټولنيزو چارو وزارت مسوولين وايي، هر کال ۲۰ زره کسان له بېلابېلو حرفوي او فني زده‌کړو فارغېږي.

د جوزجان په مرکز شبرغان ښار کې پر درنو کارونو بوخت یو شمېر ماشومان خپلې نامعلومې راتلونکې ته اندېښمن دي او له اسلامي امارت غواړي چې د مناسب کار او زده‌کړو زمینه ورته برابره کړي.

د کندوز سیمه‌ییز مسوولین وايي، درېیو مرستندویه بنسټونو د دغه ولایت په مرکز او یو شمېر ولسوالیو کې د ۷۰۰ سیمه‌ییزو ټولګیو په جوړولو سره ۲۵ زره ماشومانو ته د زده‌کړو زمینه برابره کړې ده.

د افغانستان د کار او ټولنیزو چارو وزارت وايي چې تېر یوه کال کې په ټول هېواد کې د زده‌کړو په دولتي او غیردولتي مرکزونو کې څه باندې ۷۴ زره کسانو ته په بېلابېلو برخو کې د تخنیکي او مسلکي زده‌کړو زمینه برابره شوې ده.

خوست کې يوه ځوان د نجونو په ګډون لسګونه يتيمو او بې‌وزلو ماشومانو ته د زده‌کړو زمينه برابره کړې ده.

هلمند کې د کار او ټولنیزو چارو ریاست مسوولین وايي، د دغه ولایت د مرکز لښکرګاه ښار د «امام احمد ابن حبان بستي» روزنتون کې د سلو نجونو په ګډون درې سوه بې‌سرپرسته او یتیمو ماشومانو ته د زده‌کړو زمینه برابره شوې ده.

د عامې روغتیا وزارت وایي، څلوېښت روغتیایي کارکوونکي یې د جدي څارنې برخه کې د یو میاشتنۍ هر اړخیزو زده‌کړو ترلاسه کولو په موخه ایران هېواد ته استولي دي.

بغلان کې سیمه‌ییز مسوولین وایي چې په دغه ولایت کې د یونیسف موسسې په مالي ملاتړ سلو کارګرو ماشومانو ته د لومړنیو زده‌کړو شپږ میاشتني ټولګي جوړ شوي دي.