Language

Don't you have an account with Pajhwok Afghan News?

Click here to subscribe.

د مالیزیا فدرالي ایالتونو ادارې له افغانستان سره همکارۍ ته چمتووالی ښودلی

کابل (پژواک، ۲۸ مرغومی ۱۴۰۳): مالیزیا کې د افغانستان سفارت سرپرست د دغه هېواد د فدرالي ایالتونو له مفتي سره په لیدنه کې د دواړو هېوادونو د سیاسي لیدلورو او د محاکمو اړوند د یو شمېر موضوعاتو په اړه خبرې کړې دي.

په مالیزیا کې د افغانستان سفارت پر اېکس‌ لیکلي، د دغه سفارت سرپرست نقیب‌الله احمدي د یاد هېواد د فدرالي ایالتونو له مفتي دوکتور لقمان عبدالله سره په پلازمېنه پوتراجایا کې لیدلي دي.

افغان سفیر لومړی هغه ته د افغانستان د اوسني نظام په اړه هر اړخیز معلومات وړاندې کړي او دغه راز یې له مالیزیا سره د افغانستان پر اړیکو خبرې کړې دي.

نوموړي د دواړو هېوادونو ترمنځ نوو پرمختګونو ته په اشاره ویلي چې له یادې ادارې سره به هم په راتلونکي کې دوه اړخیزې همکارۍ ولري.

سرچینې لیکلي، د فدرالي ایالتونو مفتي له اسلامي نړۍ سره د مالیزیا پر اړیکو خبرې کړې او زیاته کړې یې ده چې اداره یې له افغانستان سره په خپله برخه کې همکارۍ ته چمتو ده.

د سرچینې د معلوماتو له مخې، په دې لیدنه کې د دواړو هېوادونو د سیاسي لیدلورو او د محاکمو اړوند موضوعاتو ترڅنګ د ګڼو نورو موضوعاتو په اړه هم هر اړخیزې خبرې شوې دي.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.