سمنګان

سمنګان کې ځایي مسوولین وايي، په دغه ولایت کې په شاوخوا ۱۷۰ پرمختیايي پروژو کې زرګونو کسانو ته د لنډمهال کار زمینه برابره شوې ده.

په سمنګان کې د وچې مېوې ټولنې مسوولین وایي چې دغه ولایت کې یې له ۳۰۰ ډېرو بې‌وزلو او اړو ښځو ته د کار زمینه برابره کړې ده.

سمنګان کې امنیتي سرچینې وایي، د دغه ولایت په دره‌صوف پایان ولسوالۍ کې د نشه‌یي توکو د تولید یوه کارخونه کشف او له منځه یووړل شوه او ورسره په تړاو څلور کسان هم نیول شوي دي.

د سمنګان روغتیایي مسوولینو د دغه ولایت د ولایتي روغتون له ۸۰ بستره ۲۴۰ بسترو ته د ارتقا خبر ورکړی او وایي چې له دې سره د روغتون ای‌سي‌یو او انتاني برخې هم فعاله شوې دي.

د سمنګان د خُرم سارباغ ولسوالۍ ځيني اوسېدونکي وایي چې د دې ولسوالۍ له مرکز پرته په ډېرو کلیو کې خلک له مخابراتي او انټرنېټي خدماتو محروم دي، خو مسوولین بیا وايي، د دې ستونزې د حل لپاره هڅې کوي.

په داسې حال کې چې د اقلیمي بدلون له امله رامنځته شوې وچکالۍ افغانستان کې د اوبو زېرمو د کمښت لامل شوې، د سمنګان یو شمېر اوسېدونکي وايي، که په دغه ولایت کې د اوبو د کمښت ناورین ته رسېدنه ونه شي، دوی اړ دي خپلې سیمې پریږي.

د سمنګان د کرنې ریاست مسوولین وايي، سږ کال د بادامو حاصلات د تېر کال په پرتله ۶۰ سلنه کم شوي خو بلخوا بیا بڼوال او سوداګر شکایت کوي چې په دغه ولایت کې د بادامو بازار کمرنګه دی.

سمنګان کې ځایي مسوولین وایي، د دغه ولایت اړوند د سمنګان -کندوز پر لويه لار د ترافیکي پېښې له امله د یوې کورنۍ نهه کسان ټپیان شوي دي.

د سمنګان ځایي مسوولین وایي، د دغه ولایت اړوند د سمنګان-بغلان پر لار د ترافیکي پېښې له امله د یوې کورنۍ درې غړي مړه او پنځه نور ټپیان شوي دي.

سمنګان کې مسوولين وايي، د دغه ولايت په دره‌صوف بالا ولسوالۍ کې دوه اونۍ وړاندې درې کان کېندونکي په کان کې دننه مړه شوي خو تر اوسه یې مړي نه دي موندل شوي.

د سمنګان امنیتي مسوولین وایي، د دغه ولایت په دره‌‌صوف پایین ولسوالۍ کې د زړې سرګلولې چاودنې له امله درې ماشومان وژل شوي او دوه نور ټپیان دي.

د سمنګان یوه سوداګر چې په دې وروستیو کې یې دغه ولایت کې د ۷۰۰ زره امریکایي ډالرو په لګښت یو معیاري تفریحي پارک او یو جومات جوړ کړی وایي، هوډ لري چې نورې ټول‌ګټې پروژې هم پلې کړي.