سیالۍ

ټاکل شوې چې سبا د قوش‌تېپې ملي شل اووریزه جام په نوم سیالۍ په کابل کې پیل شي.

د بامیان ورزشي مسوولین وایي چې دغه ولایت کې د سیمه‌ییزو او دودیزو لوبو ودې په موخه د ۱۲ ټیمونو ترمنځ د تیږې اچونې او رسۍکشولو سیالۍ ترسره شوې.

د المپیک ملي کمېټه وایي، د کابل منتخبې لوبډلې ته د لوبغاړو غوراوي لپاره د ۷۵ لوبغاړو ترمنځ د بډمنټون سیالۍ پیل شوې چې درې ورځې به دوام وکړي.

د افغانستان بدني روزنې او سپورټ عمومي ریاست وايي چې نن په کابل کې د یو شمېر بهرنیو لوبغاړو په ګډون د فوټبال اتلانو لیګ درېیم پړاو یوه میاشتنۍ سیالۍ پیل شوې.

د میدان‌وردګو ولایت د بدني روزنې او ورزش امریت اړوند د چک ولسوالۍ ورزشي کمېټې په لارښونه او همغږۍ د يادې ولسوالۍ په خوات سيمه کې د ۱۴ لوبډلو ترمنځ د غشي ويشتلو اختریز جام سيالۍ پيل شوې.

د افغانستان کرکټ بورډ وایي، د راتلونکې مې میاشتې په لومړۍ د قوش‌تېپې ملي شل اووریزه جام په نوم سیالۍ د کندهار پر ځای کابل کې ترسره کېږي.

بغلان کې د رمضان جام په نوم د کرکټ شپږ اووریزه سیالۍ د خنجر زمانخېل لوبډلې په بریا پای ته ورسېدې.

د اروزګان په مرکز ترینکوټ کې د قران‌کریم د لسګونو حافظانو ترمنځ د حفظ سیالۍ ترسره شوې.

د هلمند د مرکز لښکرګاه په مرکزي لوبغالي کې د دغه ولایت د کرکټ امریت له لوري د روژې میاشتې په مناسبت د لسو لوبډلو ترمنځ د کرکټ لس اوریزې سیالۍ پیل شوې.

د هلمند په مرکز لښکرګاه ښار کې د ۱۰ ولسوالیو لوبډلو ترمنځ د کبډي سیالۍ پیل شوې چې ۲۲ ورځې به دوام ولري.

بلخ کې ورزشي مسوولين وايي چې د افغان او پاکستاني ورزشکارانو په ګډون د«کې ون کېک بوکسېنګ» دويم پړاو سيالۍ د دغه ولايت مرکز مزارشريف ښار کې ترسره شوې.

د پکتیا د بدنې روزنې او ورزش ریاست وايي چې په دغه ولایت کې د ۳۰ لوبډلو ترمنځ د فوټسال سیالۍ د پیمان لوبډلې په اتلولۍ سره پای ته ورسېدې.