لغمان

د لغمان بادپښ ولسوالۍ کې سلګونه کورنۍ خپلو سیمو کې د څښاک پاکو اوبو ته لاسرسی نه‌لري او د غره په لمنو کې د چینې اوبو پسې یو ساعت پلی مزل کوي.

د لغمان امنیه قومنداني وایي چې د کابل ـ جلال‌اباد پر لویه لار د یوې ترافیکي پېښې له امله دوو کسانو حپل ژوند له لاسه ورکړی او ۷ نور ټپیان شوي دي.

د لغمان په الیشنګ ولسوالۍ کې نن د ځايي خلکو په شخصي لګښت د یوه ۳۰ متره پل د جوړېدو چارې پیل شوې چې اووه اعشاریه دوه میلیونه افغانۍ لګښت ورباندې کېږي.

د لغمان سیمه‌‌ییز مسوولین وایي چې د دغه ولایت په مرکز او دوو ولسوالیو کې له کډوالۍ تازه راستنو شوو ۲۱۱ کورنیو ته د دایمي استوګنې په موخه جوړ شوي کورونه وسپارل شول.

د لغمان سیمه‌ییز مسوولین وایی، د دغه ولایت په مرکز او دوو ولسوالیو کې له ۷۵ اړمنو مېرمنو سره د کورني اقتصاد د پیاوړتیا په موخه د خیاطۍ د وسایلو مرسته وشوه.

د لغمان د امنیې قومانداني مسوولین وایی، نن له غرمې وروسته د مرکز مهترلام اړوند مشه‌خیلو سیمه کې د یوې ترافیکي پېښې له امله یوه کس ژوند له لاسه ورکړی او درې نور ټپیان شوي دي.

د لغمان د کرنې ریاست مسوولین وايي، نن د دغه ولایت په مرکز مهترلام او پنځه‌ګونو ولسوالیو کې د مېوه‌لرونکو او بې‌مېوې نیالګیو د اېښودلو لړۍ پیل شوه چې په ترڅ کې به یې یو میلیون نوي نیالګي کېښودل شي.

د لغمان امنیه قومانداني وايي چې په تېرو شپږو میاشتو کې یې د نشه‌يي توکو ۴۵۲ روږدي راټول کړي او د درملنې په موخه یې د کابل د روږدو درملنې مرکز ته لېږدولي دي.

د لغمان د دولت‌شاه ولسوالۍ د فرشغان درې اوسېدونکي شکایت کوي چې د فرشغان پر سیند د پله نشتوالي له امله په تګ راتګ کې له سختو ستونزو سره مخ وي او له حکومته غواړي چې پل ورته جوړ کړي.

د لغمان سیمه‌ییز مسوولین وایي، تېره شپه الینګار ولسوالۍ کې په یوه کور کې د اور لګېدنې له امله دوې ماشومانې مړې شوې دي.

لغمان کې سیمه‌ییز مسوولین وایي، د دغه ولایت په قرغیو ولسوالۍ کې یې د اوبو د ۱۹ ذخېرو او پایپ‌سکیم د جوړېدو چارې پیل کړې چې په درېیو میاشتو کې به بشپړې شي.

د لغمان د مرکز مهترلام اړوند الیشنګ کلي اوسېدونکي وایي چې کلي ته یې د برېښنا غځېدو چارې د تېر حکومت پر مهال ۸۰ سلنه بشپړې شوې وې خو له تحول وروسته ولاړې دي او له حکومته دې برخې ته د پاملرنې غوښتنه کوي.