مرسته

د ملګرو ملتونو د بشري مرستو همغږۍ دفتر (اوچا) وايي چې ډنمارک د افغانستان د بشري مرستو له صندوق سره ۲،۸ میلیون امریکايي ډالر مرسته کړې ده.

افغانستان کې د ملګرو ملتونو د خوړو نړۍوال پروګرام وايي چې اروپايي ټولنې له دغه هېواد سره ۱۶ میلیونه او ۵۰۰ زره یورو مرسته کړې ده.

سیمه‌ییز مسوولین وایي چې په هلمند کې له څه باندې ۲۳۰۰ اړمنو کورنیو سره د خوراکي توکو او په میدان‌وردګو کې له زرو کورنیو سره د غوښې مرسته وشوه.

په افغانستان کې د اروپایي ټولنې استازولي وایي، د افغانستان د داخلي بې‌ځایه شوو او پاکستان، ایران او منځنۍ اسیا هېوادونو کې له افغان ګډوالو د ملاتړ په موخه یې د کډوالو په چارو کې د ملګرو ملتونو له عالي کمېشنرۍ سره هوکړه‌لیک لاسلیک کړی دی.

د ملګرو ملتونو د بشري مرستو همغږي‌کوونکی دفتر (اوچا) وایي چې ایټالیا د افغانستان د بشري مرستو له صندوق سره د ۴،۵ میلیون یورو مرسته اعلان کړه.

د ملګرو ملتونو سازمان د وګړو صندوق په افغانستان کې د میندو، ماشومانو او ځوانانو د روغتیايي ملاتړ لپاره د جاپان د بهرنیو چارو وزارت له ۱،۵ میلیون ډالري مرستې خبر ورکړی دی.

د ملګرو ملتونو د بشري مرستو همغږي‌کوونکی دفتر (اوچا) وایي چې سویس د افغانستان د بشري مرستو له صندوق سره ۲،۶ میلیون امریکایي ډالرو مرسته اعلان کړه.

کابل کې د ترکیې سفارت وايي چې د افغانستان د خلکو لپاره یې د هېواد ۷۲۴ ټنه نوره بشري مرسته هرات ته رسېدلې ده.

د ملګرو ملتونو د بشري مرستو همغري‌کوونکی دفتر (اوچا) وايي چې اسپانیا د افغانستان د بشري مرستو له صندوق سره یو میلیون یورو مرسته کړې ده.

سرپل کې مسوولین وايي چې په تېرو لسو میاشتو کې د دغه ولایت خلکو د ښوونځیو او مدرسو جوړېدو برخه کې له معارف سره څه باندې ۱۱ جریب ځمکه او ۱۹ میلیون افغانۍ مرسته کړې ده.

د افغانستان لپاره د ملګرو ملتونو ځانګړي اماني صندوق اعلان کړی چې لوکزامبورګ هېواد ۱.۵۶ میلیون امریکایي ډالر له افغانستان سره مرسته کړې ده.

د ننګرهار د عامې روغتيا رياست مسوولین وايي، د ملګرو ملتونو د ماشومانو وجهي صندوق (يونیسف) ورسره د درېیو میاشتو لپاره د اته کانټينره درملو مرسته وکړه.