نیمروز

نیمروز کې یو شمېر غالۍ‌اوبندونکې ښځې او د دغه صنعت کاروباریان د پلور بازار پیکه کېدو ته اندېښمن دي او له سرپرست حکومته غواړي چې د غالۍ‌اوبدلو صنعت ژوندي ساتلو او کارموندنې په موخه د غالۍ‌اوبدلو کارګاوې جوړې او ښځې کار ته جذب کړي.

د نیمروز ځایي مسوولین وایي چې د کمال خان بند درې ټوربینونه فعال شوي او ډېر ژر به له دغه بنده مرکز زرنج ته برېښنا ورکړل شي.

د نیمروز د کرنې ریاست وايي، سږ کال د دغه ولایت پر شاوخوا ۲۰ زره هکتار ځمکه خټکي او هندواڼې کرل شوي چې د ډېرو اورښتونو له امله یې حاصلات د تېر کال په پرتله ډېر شوي دي.

نیمروز کې ځایي سرچینو په دغه ولایت کې په تېرو شپږو میاشتو کې د دوه ټنه نشه‌یي توکو سوځولو خبر ورکړی وایي چې په دې تړاو ۱۵۰ کسان نیول شوي او عدلي او قضایي ارګانونو ته معرفي شوي دي.

د نیمروز یو شمېر اوسېدونکي په داسې حال کې په دغه ولایت کې د انټرڼېټي خدماتو له ټیټ کیفیته شکایت کوي چې ځايي مسوولین د دې ستونزې د حل برخه کې د ځينو اقداماتو د ترسره کولو خبره کوي.

نیمروز کې له نشه‌یي توکو سره د مبارزې مدیریت د دغه ولایت په مرکز زرنج ښار کې د روږدو ټولولو او درملنې لړۍ د بیا پیلېدو خبر ورکوي.

د نیمروز ولایت د دلارام ولسوالۍ امنیتي مسوولین وايي، دې ولسوالۍ کې یې د نشه‌یي توکو دوه کارخونې کشف او سوځولې دي.

د نیمروز ځایي سرچینې وایي چې د خیاطانو له لوړو بیو او د دغه ولایت د اوسېدونکو له شکایتونو وروسته، هغوی ته نرخپاڼې برابرې شوي او باید خیاطان د هغو مطابق عمل وکړي، له دې پرته له سرغړونکو سره قانوني چلند کېږي.

نیمروز کې د ښځو یوه خیریه بنسټ له خلکو او سوداګرو څخه د مرستو راټولولو له لارې لسګونه یتیم او کارګرو ماشومانو ته اختریزې ډالۍ ووېشلې.

د نیمروز ځایي مسوولین وایي چې د ورېښمو پل دروازه په ایران کې د «سیزده‌بدر» عمومي رخصي له امله د یوې ورځې لپاره وتړل شوه.

مېرمن لیلما چې دمګړۍ یې نیمروز کې د خیاطۍ یوې کارګاره په جوړولو څو ښځو ته د کار زمینه برابره کړې وایي، غواړي په راتلونکي کې خپلې سوداګرۍ ته وده ورکړي او ۵۰۰ نورو ښځو ته د کار زمینه برابره کړي.

د نیمروز ټولګټو چارو ریاست وايي چې د ۶۰ میلیون افغانیو په لګښت د دغه ولایت د ورېښمو پله له ساحې د ګمرک تر ۳۰ متره حلقوي سړکه پورې د دوه کیلومتره سړک پخولو چارې پیل شوې.