وضعیت

د خوړو نړۍوال پروګرام له افغانستان سره د مرستو پر کمېدو اندېښنه څرګنده کړې او ویلي یې دي چې دې چارې په دغه هېواد کې وضعیت نور هم خراب کړی دی.

د افغانستان لپاره د امریکا ځانګړی استازی وایي چې د یوناما له مرستیال سره یې د افغان کډوالو د ملاتړ او په افغانستان کې پر بشري او اقتصادي وضعیت خبرې کړې دي.

قطر کې د سرپرست حکومت سیاسي دفتر رییس په افغانستان کې د ملګرو ملتونو د سرمنشي ځانګړې استازې له مرستیال مارکس پوتزل سره په لیدنه کې د هېواد روان وضعیت په اړه خبرې اترې کړې دي.

د امریکا د سولې انسټیټیوټ ویلي، د افغانستان اقتصاد د خرابوالي پر لور روان دی خو د دغه هېواد اقتصاد وزارت دغه څرګندونې ردوي او وایي چې په اقتصادي برخو کې د پام وړ پرمختګونه شوي دي.

د بهرنیو چارو سرپرست وزیر مولوي امیرخان متقي د اتریش هېواد د ازادۍ ګوند غړو سره په لیدنه کې ویلي، د افغانستان وضعیت تر هغه چې په مطبوعاتو کې ښکاره کېږي او ویل کېږي، ډېر ښه دی.

د خبریالانو خوندیتوب کمېټه (CPJ) ادعا کوي چې د افغانستان سرپرست حکومت پر رسنیو محدودیتونه ډېر کړي خو د ا.ا ویاند د دغو څرګندونو ردولو ترڅنګ له رسنیو د ملاتړ اعلان وکړ.

د بښنې نړۍوال سازمان، په پاکستان کې د افغان کډوالو وضعیت اندېښمن کړی، له دغه هېواده غواړي چې افغان کډوالو ته د ویزې مقررات چمتو کړي تر څو زده‌کړو، کار او نورو اړینو خدماتو ته لاسرسی ولري.

د سره صلیب نړۍواله کمېټه وایي، د افغانستان په ماشومانو کې د سینه بغل او خوارځواکۍ پېښې پر ډېرېدو دي او د دوی کورنۍ له سخت او دردونکي حالت سره مخامخ دي.

په افغانستان کې د امریکا متحده ایالتونو د سفارت یوه پخواني استازي د اسلامي امارت له  ویاند سره په لیدنه کې د افغانستان اوسنی وضعیت د هغه څه پر خلاف بللی چې په غربي رسنیو کې خپرېږي.

افغانستان لپاره د اروپايي ټولنې ځانګړي استازي ویلي چې د اروپايي ټولنې غړو هېوادونو د افغانستان په اړه بروکسل کې غونډه کړې او د افغانستان پر وضعیت یې اندېښنه ښودلې ده.  

د ملګرو ملتونو سرمنشي انتونیو ګوتریش او د هند د بهرنیو چارو وزیر جی شنکر د افغانستان پر روان وضعیت او پر سیمه د اوکراین د جګړې اغېزې په اړه خبرې کړې دي.

د کډوالو په چارو کې د ملګرو ملتونو سازمان عالي کمېشنرۍ یو ځل بیا په افغانستان کې د ښځو او نجونو د وضعیت په اړه اندېښنه څرګنده کړې او ویلي یې دي چې دغه هېواد نه شي کولای ښځې او نجونې له پامه وغورځوي.