پروان

د پروان د پوهنې رییس وايي چې د دغه ولایت د شیخ‌علي ولسوالۍ په پاواز کلي کې د خلکو له لوري د پنځه میلیون افغانیو په لګښت یوه منځني ښوونځي ته ودانۍ جوړه شوه.

د کلیو پراختیا او بیارغونې وزارت وايي، پروان کې د اوبو رسولو د یوې شبکې جوړولو چارې پیل شوې او زابل کې یو استنادي دېوال ګټې اخیستنې ته وسپارل شو.

د پروان امنیه قومانداني وایي چې په دغه ولایت کې د یوې ترافیکي پېښې له امله شپږو کسانو ته مرګ‌ژوبله اوښتې ده.

د پروان امنیه قومانداني وایي، د چاریکار ښار د لومړۍ امنیتي حوزې اړوند سیمه کې د زړو اوسپنو یوه سرای کې چاودنه شوې چې له امله یې دوه کسان وژل شوي او شپږ نور ټپیان دي.

پروان کې دوه کسان له یو غلا شوي موټر، یو کس د موټرو په پېر او پلور کې د جعل‌کارۍ او د یوې ښځې په ګډون څلور نور کسان له یوه کوره د سرو زرو او نغدو پیسو د غلا په تور نیول شوي دي.

د پروان امنیه قومانداني وایي، د دغه ولایت په سیاګرد ولسوالۍ کې یو کس د ښکاري ټوپک په ډز وژل شوی خو د سیمې خلک وايي، دغه کس د خپل ورور له خوا وژل شوی دی.

د پروان امنیه قومانداني وایي، هغه ډله غله یې نیولي چې د دغه ولایت په سالنګ ولسوالۍ کې یې یو ټکسي موټر غلا او د هغه چلوونکی یې ټپي کړی و.

د پروان امنیه قومانداني وایي، د دغه ولایت په مرکز چاریکار ښار کې د ترافیکي پېښې له امله یو کس مړ او اته نور ټپیان شوي دي.

د پروان ولایت په شینوارو ولسوالۍ کې ‎د دوو کورنیو ترمنځ شپږ کلنه دښمني پای ته ورسېده او پرېکړه وشوه یو لوری به یو میلیون افغانۍ دیت او بل لوری به ۳۰۰ زره افغانۍ تاوان ورکوي.

د پروان د صنعت او سوداګرۍ ریاست وايي چې د «افغان ښځو» (AWEC) په نوم د ښوونیز مرکز په مالي ملاتړ په ۸۳ ګروپونو کې تنظیم شوو ۴۹۸ ښځو ته د خیاطۍ بېلابېل ماشینونه او وسایل ووېشل شول.

په پروان کې ځايي مسوولین وايي چې د دغه ولایت د سیاه‌ګرد ولسوالۍ په بازار کې اورلګېدنې هټۍوالو ته شاوخوا لس میلیون افغانیو زیان اړولی دی.

پروان کې امنیتي مسوولین وايي، د دغه ولایت د سیاه‌ګرد ولسوالۍ په بازار کې د ترافیکي پېښې له امله یو کس مړ او دوه نور ټپیان شوي دي.