پروژو

د ملي تدارکاتو کمېسیون د ۲۵ پروژو تړونونه چې ټولیز لګښت يې شاوخوا شپږ میلیارده افغانۍ کېږي، منظور کړي دي.

په غزني کې د افغانستان لپاره د ناروې کمېټې مسوولین وايي، د دغه ولایت په مرکز او درېیو ولسوالیو کې د ۵۷ بېلابېلو پروژو کارونه پیل شوي چې د دوو میاشتو په موده کې به بشپړ شي.

د پنجشېر ولایت په ابشار ولسوالۍ کې د پنځه میلیون او ۷۰ زره افغانیو په لګښت دوه کیلومټر سړک، د موټر تګ راتګ لپاره پُل او د اوبو شپږ کیلومتر کانال جوړ شوي دي.

د ټولګټو وزارت وایي، د هېواد په کچه د دوه میلیارد او ۱۷۱ میلیون افغانیو په لګښت د ۹۰ بېلابېلو ټولګټو پروژو کارونه روان دي چې ۶۸ له پرمختیايي او ۲۱ نورې له عادي بودجې تطبیقېږي.

د میدان‌وردګو مسوولین وايي، نن د دغه ولایت د مرکز ترڅنګ په جلرېز او د بهسودو لومړۍ حصې ولسوالیو کې د نړۍوال بانګ په مالي ملاتړ د ۸۵ میلیون افغانیو په لګښت د ۱۶۷ بېلابېلو پروژو چارې پيل شوې.

د غزني د کرنې او مالدارۍ ریاست وايي، نن د دغه ولایت په اندړو او خواجه عمریو ولسوالیو کې د شاوخوا ۵۵ میلیون افغانیو په لګښت د ۳۸ بېلابېلو پروژو کارونه پيل شول.

د ننګرهار په روداتو ولسوالۍ کې د اوبو او برېښنا وزارت له لوري د ۱۰۹ ميليونه افغانيو په لګښت د اوبو رسولو ځینې پروژې بشپړې او ګټې اخیستنې ته وسپارل شوې.

اروزګان کې مسوولین وايي، د دغه ولایت په چنارتو ولسوالۍ کې نن د ۵۷ میلیون افغانیو په لګښټ د ۵۲ رغنیزو پروژو چارې پيل شوې.

د میدان‌وردګو ولایت په مرکز میدان‌ښار کې نن د کورنیو چارو وزارت لخوا د ۴۸ میلیونه افغانیو په لګښت دوه پروژې بشپړې او ګټې اخیستنې ته وسپارل شوې.

د لغمان چارواکي وایي، د دغه ولایت په بادپښ ولسوالۍ کې د ۳۱ ميليونه افغانيو په ارزښت د څلورو رغنیزو پروژو کارونه پیل شول.

د تخار ځایي مسوولین وايي، د دغه ولایت په مرکز او رستاق ولسوالۍ کې د ۲۴ میلیون افغانیو په ارزښت د اوبو رسولو د پنځو پروژو چارې پيل شوې چې په بشپړېدو سره به یې ۱۵ زره کسان د څښاک له پاکو اوبو برخمن شي.

د تخار ښاروالۍ مسوولین د دغه ولایت په مرکز تالقان ښار کې د ۱۵ میلیون افغانیو په ارزښت د درېیو پراختیایي پروژو د پیل خبر ورکوي.