پروژو

ځايي مسوولین وايي، د پکتیکا په شخېل‌اباد ولسوالۍ کې د اوبو د یوه بند او د فراه په مرکز کې د یوه سړک جوړولو چارې پیل شوې.

د کونړ په ناړۍ او څوکۍ ولسوالیو کې د څه باندې ۲۶۲ میلیون افغانیو په لګښت د ۱۶۲ پروژو او د کندوز په چهاردرې ولسوالۍ کې د ۲۳۲ زره امریکایي ډالرو په لګښت د اوبو رسولو یوې سولري شبکې جوړېدو چارې بشپړې شوې.

د ا.ا مرستیال ویاند وايي، په روانه غويي میاشت کې د هېواد په مرکز او ځینو ولایتونو کې د اتو مهمو پروژو چارې پیل شوې چې ۴۱ اعشاریه ۷۷ میلیارده افغانۍ لګښت یې حکومت او ۲.۴۷۰ میلیارده افغانۍ لګښت یې خصوصي سکټور ورکوي.

کابل ښاروالي وايي چې د دغه ښار د پنځمې ناحیې اړوند په بېلابېلو سیمو کې د ۴۰ میلیون افغانیو په لګښت د کوڅو پخولو د څلورو پروژو چارې بشپړې شوې دي.

د کابل ښاروالۍ وايي، د تهیه مسکن او سرای شمالي څلورلارو ترمنځ د غځېدلي سړک د فرعي لیکو جوړولو چارې د ۴۰ میلیون افغانیو په ارزښت پیل او دغه راز د ښار ۱۷مه ناحیه کې د ۱۷ میلیون افغانیو په لګښت د دوو پروژو چارې بشپړې شوې.

د اروزګان یو شمېر اوسېدونکو د دغه ولایت له والي سره په لیدنه کې ویلي، د وروستیو سېلابونو امله ویجاړې شوې ټول‌ګټې پروژې دې بیاورغول شي.

د کابل ښاروالۍ وايي چې د ښار شپاړلسمې ناحیې اړوند د قلعه احمدخان سیمه کې د ۱۵ میلیون افغانیو په لګښت د فرعي سړکونو او کوڅو جوړولو د دوو پروژو چارې بشپړې شوې.

د ریاست‌الوزرا اداري مرستیال وایي، په افغانستان کې د ثبات د تضمین لپاره دې د سیمې او نور هېوادونه د افغان ټرانس، هرات – بولدک، چابهار بندر، لاجورد لارې، واخان کوریډور او ټاپي لویو پراختیایي پروژو پلې کېدو کې پانګونه وکړي.

د مالیې، اوبو او برېښنا وزارتونو او د افغانستان برېښنا شرکت او خصوصي سکټور ترمنځ د شاوخوا څلور میلیارد افغانیو په ارزښت د څلورو پروژو تړونونه لاسلیک شول.

د ریاست الوزرا اقتصادي مرستیال کندهار کې د یوه جومات د جوړېدو چارو د پیل په مراسمو کې ویلي، د بدخشان په واخان کې د افغانستان او چین نښلوونکي سړک په ګډون د هېواد په کچه د ۵۰۰ لویو او وړو پروژو چارې روانې دي.

د پکتیا په درېیو ولسوالیو کې د ۴۰ میلیون افغانیو په لګښت د چک‌ډیمونو جوړېدو چارې پيل شوې او پاتې نورو ولسوالیو کې به د خلکو اړتیا ته په کتو د سربندونو، کانالونو او یا هم د چک‌ډیمونو جوړولو چارې پيل شي.

کاپیسا او پروان کې د ۱۱۶ میلیونو افغانیو په لګښت د ۵۸ پروژو چارې پیل، سمنګان کې د ۲۲ میلیونو افغانیو په لګښت یوه پروژه بشپړه او په شبرغان کې د یوې پروژې چارې له درېیو کلونو ځنډ وروسته پیل شوې.