ښځو

د بلخ په مرکز مزارشریف ښار کې د جامو ګنډلو ۶۰ کارخونو کې شاوخوا درې زره کسان په کار بوخت دي چې ډېر یې ښځې دي.

د بلخ په مرکز مزارشریف ښار کې یوې مېرمنې د غالۍ او وړۍ اوبدلو کارګاه په جوړولو سره ۳۰۰ بې‌وزلو ښځو ته د کار زمینه برابره کړې ده.

د کابل امنیه قومانداني وایي، هغه کس یې نیولی چې په بازار کې به یې په پټه د ښځو انځورونه اخیستل او بیا به یې په خپلو ټولنیزو پاڼو کې خپرول.

امنیتي ځواکونو، کابل کې دوه تنه د امنیتي کسانو له نومه د استفادې، درې کسان د غلا او د دوو ښځو په ګډون پنځه کسان له یو صرافه په دوکه د ۲۰ زره ډالرو غوښتنې په تور نیولي دي.

جوزجان په مرکز شبرغان ښار کې یوې مېرمنې چې د خیاطۍ او غالۍاوبدلو د یوې کارګاه له لارې ۷۰ ښځو او نجونو ته د کار زمینه برابره کړې وایي، که ملاتړ یې وشي، لسګونو نورو ښځو ته به هم د کار زمینه برابره کړي.

د کابل امنیې قوماندانۍ د موټرچلوونکو د فرېب او د هغو د موټرو د غلا په تور د ۶ ښځو او ۴ نارینه‌وو د نیول کېدو خبر ورکوي.

د زندانونو چارو د تنظیم ادارې نظامي مرستیال وایي، بې‌سرپرستې ښځې چې د خپل حبس موده یې پوره کړې وي، له خوشې کېدو وروسته به په یوه خوندي ځای کې چې د دې ادارې او کار او ټولنیزو چارو وزارت په همغږۍ جوړ شوی، ساتل کېږي.

د ملګرو ملتونو سرمنشي ویلي چې د ښځو او نجونو حقونه دې په ټولو ځایونو کې مراعت شي؛ ځکه چې هغوی د باعزته ژوند او درناوي وړ دي.

د لغمان د کرنې ریاست مسوولین وایي، د دغه ولايت په مرکز مهترلام، قرغيو، الینګار، الیشنګ او بادپښ ولسوالیو کې د پنځوسو شنو خونو جوړولو چارې پيل شوې.

یو شمېر ښځو نن په کابل ښار کې د ښځینه سینګارتونونو تړل کېدو په غبرګون کې اعتراضي لاریون وکړ خو د امنیتي کسانو له لوري یې د دوام مخه ونیول شوه.

په بلخ ولایت کې شاوخوا ۸۰۰ صنعتي کارخونې او شرکتونه د ښځو له لوري مدیریت کېږي چې ورسره زرګونو نورو ښځو ته پکې د کار کولو فرصتونه برابر شوي دي.

په مغولستان کې د شپږو هېوادونو د بهرنیو چارو ښځینه وزیرانو د یوې ناستې پر مهال له سرپرست حکومته غوښتي چې په افغانستان کې پر ښځو او نجونو لګول شوي محدودیتونه دې لرې کړي.