کابل

): د افغانستان د فوټسال کمېټه وایي، د کابل د فوټسال غوره‌لیګ شپږم پړاو سیالیو اتلولي د «شهید نسیم» لوبډلې وګټله.

کورنیو چارو وزارت وایي، استرالیايي استاد جبرئيل عمر – چې ا.ا نیولی او بیا د بندیانو په تبادله کې خوشی او په اسلام مشرف شوی و – نن کابل کې وفات شوی دی.

د ځینو روغتونونو ډاکټران وايي چې په کابل ښار کې د وروستۍ واورې له کېدو وروسته د سړکونو او کوڅو کنګل کېدو له امله د خلکو د لاسونو او پښو ماتېدنو پېښې ډېرې شوې دي.

د افغانستان ستره محکمه وایي، کابل او نورستان ولایتونو کې د دوو ښځو په کډون درېیو کسانو ته تعزیري سزا ورکړل شوه.

د کورنیو چارو وزارت وایي، کابل کې یې د انسان‌تښتوونکو هغه ډله نیولي چې د هېواد دننه او ایران کې به یې خلک برمته کول او بیا به یې د هغوی له کورنیو پیسې غوښتې.

کابل کې د مسلکي زده‌کړو پراختیا او کاري فرصتونو برابرولو په موخه د تخنیکي او مسلکي زده‌کړو ادارې او د خصوصي سکټور ترمنځ د ستراتیژیکو همکاریو دویم کنفرانس جوړ شو.

کابل ښار کې نن د تېرو ۷ ورځو په پرتله د قزاقي اوړو، غوړیو او بورې بیې ټیټې خو د سرو‌زرو بیې لوړې شوې دي.

کابل کې د اذربایجان سفیر د بهرنیو چارو وزارت له سیاسي مرستیال سره په لیدنه کې ویلي، هېواد یې له افغانستان سره د سیاسي تعامل پراختیا ته لېوالتیا لري او د اقتصادي پیاوړتیا او هر اړخیزې هوساینې په لړ کې همکارۍ ته چمتو دی.

د کابل امنیه قومانداني وایي، د شېخ زاهد روغتون ته څېرمه په سړک چاودنه شوې چې له امله یې څلور تنه عام هېوادوال سرسري ټپیان شوي دي.

د کورنیو چارو وزارت مسوولین وایي، د دغه وزارت د نشه‌يي توکو پر وړاندې د مبارزې معینیت منسوبینو د کابل ښار په اولسمه حوزه کې د نشه‌یي توکو د تولید یوه فابریکه کشف کړې چې یوه اندازه نشه‌يي توکي هم ورڅخه ترلاسه شوي دي.

د المپیک ملي کمېټه وایي، په کابل کې یې د ۱۲۰ ورزشکارانو ترمنځ د ځغاستې سیالۍ ترسره کړې چې په پایله کې یې د کابل منتخبې لوبډلې ته په درېیو سني کټه‌ګوریو کې ۷۵ ورزشکاران وټاکل شول.

اتیا کلن صفدر چې د کابل ښار په ده افغانانو سیمه کې لاسي کراچۍ چلوي څو د خلکو بار انتقال کړي او له دې لارې د خپلې ۱۴ کسیزې کورنۍ نفقه تامینوي، د ژوند له کړاو او اقتصادي ستونزو شکایت لري.