کندهار

د کندهار پوهنتون  یو شمېر محصلین وايي، د پخوا په پرتله یې ډېرې ستونزې حل شوې خو لیلیه او لوبغالی لا هم نه ‌لري.

د کلیو بیارغونې او پراختیا وزارت وایي، په غزني کې د څه باندې ۴۴ میلیون افغانیو په لګښت د ۴۲ پراختیايي پروژو او په کندهار کې د څه باندې ۳۰ زره امریکايي ډالرو په لګښت د اوبو رسولو یوې سولري شبکې جوړولو چارې بشپړې شوې.

د کندهار امنیتي مسوولین وايي، د دغه ولایت په میوند ولسوالۍ کې د ترافیکي پېښې له امله درې کسان مړه شوي او ۲۱ نور ټپيان دي.

کندهار کې امنیتي مسوولين وايي، د کندهار ښار لسمې حوزې اړوند د کابل اډې پر سړک د يوه لاسي بم چاودنې له امله یو کس وژل شوی او درې نور ټپيان دي.

کندهار کې د تېرو جګړو پر مهال یتیم شوو ماشومانو ته د «دارالعرفان التربیة‌الایتام» په نوم خصوصي روزنتون جوړ شوی چې دا مهال په‌کې څه باندې ۲۰۰ یتیمان په زده‌کړو بوخت دي.

د کندهار امنیه قومانداني وایي، د دغه ولایت په ارغستان ولسوالۍ کې درې نجونې په اوبو کې ډوبې شوې چې دوو یې خپل ژوند له لاسه ورکړی او یوه یې ژغورل شوې ده.

سیمه‌ییز مسوولین وایي، د کندهار شیخ زاید روزنتون کې د لاسي توکو او د زده‌کوونکو عملي کارونو او نوښتونو کلنی نندارتون جوړ شو.

کندهار کې د افغاني غالیو او لاسي صنایعو درې ورځنی نندارتون پرانیستل شوی چې په‌کې د ځینو ولایتونو د غالۍ اوبدلو او لاسي صنایعو یو شمېر شرکتونو خپل تولیدات نندارې ته ایښي دي.

تېره ورځ د کندهار د عامې روغتیا ریاست له لوري د درې‌نیم میلیون افغانیو په ارزښت ۵۰ ټنه تاریخ‌تېر او بې‌کیفیته درمل سوځول شوي دي.

د کندهار امنیه قومانداني وایي چې د دغه ولایت سپین‌بولدک ولسوالۍ بازار کې یو کس د ناپېژانده وسله‌والو له خوا په ډزو وژل شوی دی.

کندهار کې د ځمکو د غصب مخنیوي کمېسیون مسوولین وايي، په تېر یونیم کال کې یې ۶۵ زره جریب غصب شوې ځمکه بېرته راګرځولې ده.

کندهار کې دا مهال د کارټن او کاغذ تولیدات ډېر شوي چې د مسوولینو په خبره، د جنوبي ولایتونو اتیا سلنه اړتیاوې یې پوره کړې دي.