کندهار (پژواک، ۳۰ چنګاښ ۱۴۰۴): د کندهار امنیه قومانداني وایي چې د کندهار ښار د ۱۴مې امنیتي حوزې په مربوطاتو کې ناپېژانده کسانو یو ځوان په ډزو وژلی دی.
د کندهار د امنیه قوماندانۍ ویاند ملا اسدالله جمشید نن پژواک خبري اژانس ته وویل چې وژل شوي کس د لومړۍ امنیتي حوزې اړوند د رنګریزانو کوڅه کې هټۍ درلوده.
هغه زیاته کړه چې یاد کس تیره شپه ناوخته له خپل کور سره نږدې په ډزو وژل شوی دی.
د هغه په وینا، امنیتي ځواکونه هڅه کوي څو د یادې پېښې عاملین ونیسي او عدلي او قضایي ارګانونو ته یې وسپاري.
بلخوا د وژل شوي کس ورور تیمورشا وايي، ورور یې د غلو له خوا وژل شوی او غله له سیمي څخه تښتېدلي دي.
