یوناما

د زده‌کړو له نړۍوالې ورځې سره هم‌مهاله یوناما افغانستان کې له شپږم ټولګي پورته او په پوهنتونونو کې د نجونو پر زده‌کړو د بندیز په اړه اندېښنه څرګنده کړې او له اسلامي امارته یې غوښتي څو دا بندیز لرې کړي.

مالیزیا کې افغان سفیر د ملګرو ملتونو د سیاسي استازولۍ (یوناما) له مشرې سره د دغه بنسټ له لارې له افغانستان سره د مالیزیا د همکاریو پر زیاتوالي خبرې کړې دي.

یوناما له ا.ا څخه غواړي چې د افغانانو د خوندیتوب او هوساینې د کلیدي عنصر په توګه «د بشري حقونو نړۍوال مکلفیتونه ومني» خو ا.ا وایي، هېواد کې د خلکو ټول هغه حقونه تامین دي چې اسلامي شریعت بشر ته ورکړي دي.

یوناما په یو راپور کې وايي، رسنۍ په افغانستان کې له محدودیتونو سره مخ دي، خو د ا.ا ویاند دغه راپور ته په غبرګون کې د رسنيو له خوا اسلامي ارزښتونو او ملي ګټو ته په درناوي ټینګار کوي، وایي چې د افغانستان اړوند مسایلو ته باید د لویدیځو هیوادونو له عینکو ونه کتل شي.

د ملګرو ملتونو مرستندوی دفتر (یوناما) د بغلان په نهرین ولسوالۍ کې پر «عبادت‌کوونکو» برید غندلی او ویلي یې دي چې د دې پېښې بشپړه څېړنه دې وشي.

د افغانستان لپاره د یوناما مشرې د زندانونو چارو د سمون ادارې له رییس سره په ليدنه کې ویلي چې له دې ادارې سره به یې همکارۍ د تېر په څېر دوام ولري.

د یوناما سیاسي برخې مسوول ويلي، په هڅه کې دي د خبرو له لارې د افغانستان او نړۍوالې ټولنې ترمنځ مثبتې اړیکې او د باور فضا رامنځته کړي او د بحث وړ لویو موضوعاتو ته اساسي حل‌لارې ولټوي.

په افغانستان کې د ملګرو ملتونو مرستندویه ماموریت (یوناما) وايي چې د افغانستان لپاره د یوناما د ځانګړې استازې نوې مرستیاله جورجیت ګانیون د خپلې دندې پیل په موخه کابل ته راغله.

یوناما د امر بالمعروف او نهی عن‌المنکر قانون د دوو مادو د ستاینې تر څنګ وایي، دغه قانون «د ښځو پر حقونو محدودیتونه» پراخوي، خو د امر بالمعروف وزارت سرپرست ویلي چې یاد قانون د قران، احادیثو او حنفي فقهې په رڼا کې جوړ شوی دی.

د یوناما مرستیال وايي، دوی هڅه کوي د کډوالو د نورو ستونزو د حل ترڅنګ د هغوی ماشومانو ته د زده‌کړو زمینه هم برابره کړي.

د م.م سیاسي استازولۍ په افغانستان کې د امر بالمعروف وزارت پر ځینو کړنو نیوکه کړې، خو د ا.ا ویاند وایي، دغه اندېښنې بې‌ځایه دي، د ټولو اتباعو حقونه ورکړل شوي او افغانستان دې د یوې مسلمانې ټولنې په توګه وارزول شي.

د یوناما مشرې د افغانستان د بهرنیو چارو وزارت له سرپرست سره په لیدنه کې ویلي، ټیم یې د دوحې درېیمې ناستې لپاره پر داسې اجنډا کار کوي چې ټولو لورو ته د منلو وړ وي.