اروزګان

اروزګان ولایت کې بېرته راستانه شوي یو شمېر کډوال وايي، سرپناوې نه لري او له حکومته غوښتنه کوي چې د کورونو جوړولو برخه کې مرسته ورسره وکړي.

د اروزګان ولایت په مرکز ترینکوټ او ولسوالیو کې ۱۷ زره کروندګرو ته د غنمو اصلاح شوي تخم او کېمیاوي سرې د وېشلو لړۍ پیل شوه.

نن سهار د اروزګان په ګېزاب ولسوالۍ کې له یوه پله د موټر لوېدو پېښه کې اته کسان مړه شوي او یو نادرکه دی.

اروزګان کې د اتو لوبډلو ترمنځ د فوټبال سیالۍ چې یوه میاشت وړاندې پیل شوې وې، د ترینکوټ ښاروالۍ لوبډلې په بریا پای ته ورسېدې.

د اروزګان د عامې روغتیا ریاست مسوولین وايي، د دغه ولایت په مرکز او ولسوالیو کې د ودانیو د کمښت له امله ۶۰ روغتیایي مرکزونه په کرایي کورونو کې فعالیت کوي.

د اروزګان ځايي مسوولین وايي، تېرو دوو ورځو کې د دغه ولایت په مرکز ترینکوټ او دهراوود ولسوالۍ کې څه‌کم ۱۱ زره کیلوګرامه ومان کشف او له منځه وړي دي.

د اروزګان په مرکز ترینکوټ ښار کې د نږدې ۲۰۰ زره امریکایي ډالرو په لګښت یو روغتیایي مرکز جوړ او ګټې اخیستنې ته وسپارل شو.

د اروزګان د ګېزاب ولسوالۍ یو شمېر اوسېدونکي له حکومته غوښتنه کوي چې مرکز ترینکوټ ته د دې ولسوالۍ غځېدلې لار په اساسي ډول ورغوي.

د کورنیو چارو وزارت پلاوي اروزګان کې خلکو ته ۱۵ ورځې وخت ورکړی څو د ژورو څاګانو سرونه پټ کړي او که څوک په دې موده کې دغه کار عملي نه کړي، له قانوني چلند سره به مخ شي.

اروزګان کې یو شمېر هغه کروندګر چې سږ کال یې پر خپلو ځمکو خټکي او هندواڼې کرلي، له حکومته خپلو محصولاتو ته د بازار غوښتنه کوي.

د اروزګان ځایي مسوولین وایي چې د خلکو، په ځانګړې توګه د ماشومانو د ژوند خوندیتوب په موخه یې په دغه ولایت کې د ژورو څاګانو د سرونو پټولو او له هغو د دېوالونو راچاپېرولو لړۍ پیل کړې ده.

اروزګان کې د قانوني پلي‌ کېدو لپاره د دولتي ادارو ګډه کمېټه جوړه شوه او نن یې فعالیت پیل کړ.