د ریاستالوزراء اداري مرستیال په ازبکستان کې له مېشتو یو شمېر افغان سوداګرو سره په لیدنه کې له هغوی غوښتي چې افغانستان کې دې د کانونو په استخراج، انرژۍ، کرنې او تولیدي کارخانو جوړولو برخو کې پانګونه وکړي.
د کانونو او پټرولیم وزارت سرپرست له یو شمېر افغان سوداګرو سره د افغانستان په کانونو کې د کورنیو او بهرنیو پانګهوالو پر راجلبولو او په دې برخه کې پر شته فرصتونو خبرې کړې دي.
د ننګرهار سوداګرۍ خونه وايي، خيبر پښتونخوا کې د ځايي قومي خلکو د اعتراض له امله له تېرې شاوخوا يوې اونۍ راهیسې د تورخم – پېښور لویه لاره تړل شوې او د افغان سوداګرو شاوخوا ۲۰۰۰ بار لارې بندې پاتې دي.
د ننګرهار د سوداګرۍ او پانګونې خونه وايي، پر موټرچلوونکو د ویزې حتمي کېدو له امله په تورخم کې د افغان سوداګرو د خوراکي او غیرخوراکي توکو سلګونه بار لارۍ ولاړې دي.
افغان سوداګرو د هند له ځانګړي استازي سره په ليدنه کې له هندي لوري د دوه اړخیزې سوداګرۍ د ودې او افغان سوداګرو ته د ویزو ورکولو برخو کې د اسانتیاوو رامنځته کېدو غوښتنه کړې ده.
د نیمروز د ځمکني ترانسپورټ رییس وايي، له دوه کلن ځنډ وروسته د چابهار له بندره د افغان سوداګرو د توکو لېږد رالېږد بېرته پیل شو او د دغه بندر له لارې د توکو د انتقال بهیر ګړنديکېدو برخه کې ځیني اقدامات هم شوي دي.
پاکستان کې مېشت افغان سوداګرو په دغه هېواد کې د افغانستان له سفیر سره په لیدنه کې ویلي چې په دروازو کې باید ستونزې حل شي.
په اسلاماباد کې د افغانستان سفارت او کراچۍ کې د افغان کونسلګرۍ سوداګریزو اتشو د پاکستان د سوداګرۍ وزارت له چارواکو سره په کراچۍ بندر کې د بند پاتې ۴۵۰ کانټینره توکو د خوشي کولو په اړه خبرې کړي.
د صنعت او سوداګرۍ وزارت وایي، د کراچۍ له بندره د افغان سوداګرو د ترانزیتي توکو درې زره بند پاتې کانټینرونو ته د ترانزیټ اجازه ورکړل شوه او د لېږد بهیر یې پيل شو.
ننګرهار کې ځيني سوداګر او د سوداګرۍ خونه وايي، د پاکستان حکومت له لوري پر یو شمېر ټرانزیټي توکو د پروسس فیس په نوم د ۱۰ سلنه مالیاتو وضع کول او پر ټرانزیټي محمولو د ۱۰۰ سلنه بانکي تضمین غوښتنه، د اپټا تړون خلاف دي.
د پاکستان سفیر د سوداګرۍ او صنعت وزارت سرپرست سره په لیدنه کې د دواړو هېوادو تر منځ د سوداګریزو اړیکو پر پیاوړتیا د ټینګار تر څنګ ډاډ ورکړ، هڅه کوي چې په دغه هېواد کې د افغان سوداګرو ستونزې حل شي.
په متحده عربي اماراتو کې د افغان سوداګرو شورا وایي، د افغانستان لپاره د امریکا له ځانګړي استازي یې وغوښتل چې د ستونزو د حل لپاره له افغان چارواکو سره خبرو ته دوام ورکړي او هغه هم ویلي چې د ګډ کار له لارې باید ستونزو ته مناسبه لار پیدا شي.
په کابل کې د ایران سفارت مرستیال ویلي، هېواد یې افغان سوداګرو ته د اسانتیاوو په رامنځته کولو او د مالیاتو په کمولو کې همکاري کوي.
افغانستان لپاره د اروپایي ټولنې استازولۍ ویلي، د برېښنا نشتوالی، د بانکي نظام بحران، بهر ته د کادرونو تلل او پر ښځو د کار بندیز په دغه هېواد کې د خصوصي سکټور پر وړاندې اساسي ننګونې دي.
د کندهار د کانونو او صنایع او سوداګرۍ خونو چارواکي وايي، پاکستاني سوداګر د افغان سوداګرو د پنبې شاوخوا ۲۰ میلیون ډالر نه ورکوي او په یوه او بله پلمه یې ځنډولي دي.
په افغانستان کې د پاکستان سفير ننګرهار ته د سفر پرمهال د دغه ولايت له سوداګرو سره په ليدنه کې ټينګار کړی چې تورخم او نورو سوداګریزو لارو کې بايد د سوداګرو پر وړاندې خنډونه لرې شي.
ترکمنستان وایي, په هغو افغان سوداګرو چې په ترکمنستان کې یې د سرحد د بندېدو له امله څه جرمانې راغلې دي هغه به ورته معاف کړي. د طالبانو د سیاسي دفتر ویاند ډاکتر نعیم په خپله…
