<p style="text-align: justify;">کابل (پژواک، ۶ لړم ۱۴۰۳): د کانونو او پټرولیم وزارت سرپرست له یو شمېر افغان سوداګرو سره د افغانستان په کانونو کې د کورنیو او بهرنیو پانګهوالو پر راجلبولو او په دې برخه کې پر شته فرصتونو خبرې کړې دي.</p>
<p style="text-align: justify;">د کانونو او پټرولیم وزارت خبرپاڼه کې راغلي چې د دغه وزارت سرپرست ملا هدایتالله بدري په ازبکستان کې د اسلامي امارت له سفیر شیخ عبدالغفار بحر او په دغه هېواد کې له مېشت یو شمېر افغان پانګهوالو سره په کابل کې وکتل.</p>
<p style="text-align: justify;">سرچينې لیکلي، په دې لیدنه کې داوړو لورو د افغانستان او ازبکستان پر سیاسي، اقتصادي او تجارتي اړیکو، د افغانستان په کانونو کې د کورنیو او بهرنیو پانګوالو پر راجلبولو او د کانونو برخه کې د پانګونې پر شته فرصتونو خبرې وکړې.</p>
<p style="text-align: justify;">خبرپاڼه کې راغلي، په ازبکستان کې مېشت افغان پانګهوالو د افغانستان اوسنی وضعیت د پانګونې لپاره د ډاډ وړ وباله او د ډبرو سکرو، مسو، سرب او جستو په کانونو کې یې خپله لېوالتیا څرګنده کړه.</p>
<p style="text-align: justify;">د کانونو وزارت لیکلي، بدري افغانستان د کانونو له اړخه یو غني او بډای هېواد یاد کړ، او ډاډ یې ورکړ چې په دغه سکټور کې د پانګهوالو لپاره هر راز اسانتیاوو برابرولو ته ژمن دی.</p>
