بادغیس

د بادغیس امنیه قومانداني د دغه ولایت په بالامرغاب ولسوالۍ کې د یوه کس د مړي له پیدا کېدو خبر ورکوي او وايي، د دې پېښې په تړاو یې دوه کسان نیولي دي.

د بادغیس امنیه قومانداني وايي چې په دغه ولایت کې پر یوه کس له خپل موټر څخه ډبره لوېدلې او مړ شوی دی.

ځایي مسوولین وایي چې د بادغیس په دره‌بوم ولسوالۍ کې د چت لوېدو پېښه کې د یوې کورنۍ شپږ غړو خپل ژوند له لاسه ورکړی دی.

د باغیس ځايي مسوولین وايي چې د وروستیو ورښتونو، سړې هوا او څاریو ته د خوراکي توکو کمښت له امله د دغه ولایت په مرکز او ولسوالیو کې نږدې ۶۰ زره څاروي له منځه تللي دي. ‎

د بادغیس د کرنې ریاست سرپرست وایي، په دغه ولایت کې د پستې ونې ملي سرمایه ده او د تفریح لپاره مناسب ځای دی ‎او زیاته یې کړه، د پستې ونو له قطع‌کوونکو سره قانوني چلند کېږي. 

د بادغیس امنیه قومانداني وايي چې د دغه ولایت د مرکز قلعه‌نو ښار مربوطاتو کې یو وسله‌وال غل له امنیتي کسانو سره نښته کې وژل شوی دی.

بادغیس کې ځيني معلولین په داسې حال کې د خلکو له ناسم چلنده شکایت کوي چې دغه ولایت کې مسوولین وايي، د معلولینو حقونو په اړه د پوهاوي پروګرامونه ډېروي.

د بادغیس ځیني اوسېدونکي ادعا لري چې د برېښنایي پېژندپاڼو د وېش لړۍ په ځنډ مخ ته ځي، خو مسوولین د دې موضوع په رد کولو سره وايي چې هره ورځ د نږدې ۳۰۰ غوښتونکو اسناد طی مراحل کوي.

د بادغیس یو شمېر اوسېدونکي وايي، سره له دې چې د پخوا په نسبت د اوړو بیه ټیټه شوې خو اوس هم  د وچې ډوډۍ وزن کم دی او بیه یې نه ده ټیټه شوې.

بادغیس کې یو شمېر ناروغ‌لرونکي په ولایتي روغتون کې د بسترونو له کموالي شکایت کوي او وايي، داسې بسترونه هم شته چې ان تر څلورو ناروغان په کې بستري دي.

بادغیس کې ځيني سوداګر او پانګوال وایي چې په دغه ولایت کې د هر کیلوواټ سوداګریزې برېښنا بیه د نورو ولایتونو په نسبت پنځه افغانۍ لوړه ده.

د بادغیس ځيني اوسېدونکو د ځمکې لاندې اوبو کمېدو له امله ‎اندېښنه ښودلې او له حکومته غواړي چې د ځمکې لاندې اوبو تقویې لپاره عملي اقدمات وکړي.